अमेरिकाबाट बिरामी बुबा भेट्न जान नसकेका कागजपत्रविहिनको कथामा आधारित ‘आमा’ अमेरिकामा
प्रकाशित मिति : फाल्गुन १५, २०७६ बिहीबार
निर्देशक दीपेन्द्र के खनालबाट निर्देशित नयाँ नेपाली फिल्म आमा गत शुक्रबारदेखि नेपाल र अमेरिकाको डलास टेक्सासमा एकैसाथ रिलीज भएको थियो। चलचित्रका मुख्य पात्रहरू चर्चित अभिनेत्री मिथिला शर्मा र सुरक्षा पन्त हुन्। चलचित्रले केही महिना अघि नेपाली समाचार पोर्टलमा हेडलाइन बनायो जब अभिनेत्री सुरक्षा पन्तले चलचित्रका लागि कपाल खौरिन्।
चलचित्रको सबै दर्शकहरुले प्रशंसा गरेका छन् । चलचित्र हेर्दा दर्शकहरुले आँशु रोक्न नसकेको बताएका छन् । हालैको एक भिडियोमा पत्रकार रवि लामिछाने चलचित्र समीक्षाको क्रममा रोएका थिए भने केही समय पहिले आमा गुमाएकी अभिनेत्री रिचा शर्माले क्यामेराको सामना गर्न पनि सकिनन् ।
यो चलचित्र एउटै आमा र बिरामी पतिको कथा हो । यो एउटा त्यस्ता छोराको कथा हो , जो अमेरिकामा कागजपत्रविहिन भएर बसेका कारण बुवालाई भेट्न जान सक्दैनन् ।
यस हप्तामात्र नेपाल ११ एन्टरटेन्मेन्टले टेक्सासमा २१ पटक चलचित्रको प्रदर्शन गरेको छ । टेक्सास नेपालीको बाक्लो उपस्थीति रहेको क्षेत्र हो ।
दर्शकको मागकका कारण चलचित्र दोश्रो सातापनि प्रदर्शन हुने भएको छ । दोश्रो साता टिकटको मुल्य पनि केही कम राखिएको छ । नयाँ टिकट मूल्य वयस्कहरुका लागि १२ डलर, बुढाबुढीका लागि १० डलर र बच्चाहरुका लागि ६ डलर रहेको छ ।
अमेरिकामा नेपाली चलचित्र वितरक पेट्रिक सुवेदीले यो चलचित्र आफूहरुले अमेरिकामा प्रर्दशन गरेको सबैभन्दा उत्कृष्ट चलचित्र रहेको बताएका छन् ।
चलचित्र ह्युस्टन, अस्टिन, सान फ्रान्सिस्को, न्युयोर्क र अन्य शहरहरूमा पनि प्रदर्शनको तयारी भइरहेको छ ।
नेपाल ११ एन्टरटेन्मेन्ट र अत्रेया प्रोडक्शनले अमेरिकामा वितरण जिम्मा लिएको छ । आफ्नो शहरमा देखाउन चाहनेले [email protected] वा 214-436-0854 मा सम्पर्क गर्न सक्नेछन् ।