सञ्चार मन्त्रालयको जिम्मा डा. खतिवडालाई
प्रकाशित मिति : फाल्गुन ८, २०७६ बिहीबार
सञ्चार तथा सूचना प्रविधिमन्त्री गोकुल बास्कोटाले दिएको राजीनामा स्वीकृत भएको छ । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले बास्कोटाले दिएको राजीनामा स्वीकृत गरी सञ्चार मन्त्रालयको जिम्मा अर्थमन्त्री डा. युवराज खतिवडाले सम्हाल्ने गरी तोक्नु भएको छ ।
सेक्युरिटी प्रिन्टिङ प्रेस खरिदका विषयमा स्वीस कम्पनीका एजेन्टसँग कमिसनका विषयमा छलफल भएको अडियो सार्वजनिक भएपछि बास्कोटाले बिहीबार नै प्रधानमन्त्रीलाई राजीनामा बुझाउनु भएको थियो ।
लगतै ट्वीट गर्दै उहांले भन्नुभएको छ ,मेरो बारेमा प्रश्न उठेकोले सम्माननीय प्रधानमन्त्रीज्यू समक्ष नैतिकताको आधारमा मन्त्री पदवाट राजिनामा दिएको जानकारी गराउँदछु ।
२०७५ जेठ १८ गते भएको मन्त्रिपरिषद् विस्तारसगै मन्त्री बास्कोटा सञ्चार तथा सूचना प्रविधि मन्त्री हुनु भएको थियो । मन्त्री बाँस्कोटाले आफ्नो ट्वीटर प्रोफाईल सच्चाएर पूर्वमन्त्री बनाउनु भएको छ ।