कुवेतमा निर्माणस्थलमा पुरिए १० कामदार, कैयन नेपाली रहेको आंशका (भिडियो)


प्रकाशित मिति : माघ २९, २०७६ बुधबार

कुवेतमा एउटा निर्माणस्थलमा भएको दुर्घटनामा कैयन नेपालीहरु पुरिएको आशंका गरिएको छ । मुतला सिटी प्रोजेक्टमा निर्माणका क्रममा जमिन भत्किदा कम्तीमा ४ जनाको मृत्यु भएको छ भने तीनजना घाइते भएका छन् ।

१० जना कामदारहरु पुरिएको सुचना प्राप्त गर्नासाथ उद्दारकर्ताहरु घटनास्थलमा पुगेका थिए । उद्दारकर्ताहरुले ६ जनालाई त्यहाँबाट निकाल्न सफल भएका थिए । तर तीमध्ये ३ जनाको मृत्यु भइसकेको थियो । उनीहरुलाई घटनास्थलमा नै मृत घोषणा गरिएको छ ।

त्यसको केहीबेरमा अर्का एकजनालाई पनि निकालिएको थियो । बाहिर निकाल्दासम्म उनको पनि मृत्यु भइसकेको जनाइएको छ । खाडलबाट अरु तीनजनालाई पनि निकाल्ने प्रयास गरिएको जनाइएको छ । तर उनीहरुको अवस्थाबारे केही जानकारी प्राप्त भएको छैन ।

सार्वजनिक निर्माणमन्त्री र आवास मामिला राज्यमन्त्रीले घटनास्थलको अवलोकन गरेकी छिन् । उनले घटनाको छानविनका लागि छानविन समिति गठन गर्न निर्देशन दिएकी छिन् । कुनै लापरवाहीका कारण घटना भएको भए लापरवाही गर्नेलाई जिम्मेबार ठहराउन उनले निर्देशन दिएकी छिन् ।

दुर्घटनामा नेपाली परेको आशंका गरिएकोभएतापनि यसबारेमा थप जानकारी प्राप्त भएको छैन । एनआरएनए आईसीसीका मानार्थ परिषद् सदस्य लोक तिवारीले आफूले यसबारे कुवेतमा बुझ्ने प्रयास गरिरहेको बताएका छन् । नेपालीहरु परेको आशंका गरिएपनि कतिजना नेपाली परे वा को को परे भन्नेबारे केही जानकारी प्राप्त भएको छैन ।

© 2025 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com