अब बेलायतमा ग्लोबल ट्यालेन्ट भिसा, पीआर पनि छिटो पाउने
प्रकाशित मिति : माघ १९, २०७६ आईतबार
अब बेलायतले विज्ञान, मेडिकल, इन्जिनियरिङ र मानविकीमा दक्षहरुलाई ग्लोबल ट्यालेन्ट भिसा दिने भएको छ । असाधारण प्रतिभा टियर १ भिसालाई बदलेर बेलायतले ग्लोबल ट्यालेन्स भिसाको व्यवस्था गरेको हो ।
नयाँ कार्यक्रम फरबरी २० देखि लागु हुने जनाइएको छ । यो कार्यक्रम अन्तरगत धेरै भन्दा धेरै विदेशी कामदारहरु योग्य हुने भएका छन् ।
यो भिसामा कतिजनाले भिसा पाउने भन्ने सन्दर्भमा कुनै सिमाबन्दी तोकिएको थिएन । जबकी असाधारण प्रतिभा टियर १ भिसामा बार्षिक २ हजारको सिमाबन्दी रहेको थियो ।
यो भिसा अन्तरगत विज्ञान, प्रविधि, इन्जिनियरिङ, कला संस्कृतिमा दक्ष हुनेहरुले बेलायतमा प्रवेश गरेर काम गर्न र पीआरको बाटोमा अगाडि बढ्न पाउनेछन् । यो कार्यक्रम अन्तरगत भिसा प्राप्त गर्नेहरुले पीआरपनि शीघ्र प्राप्त गर्ने जनाइएको छ । अर्थात् असाधारण प्रतिभा टियर १ भिसामा जस्तो लामो समय कुनुपर्नेछैन ।
पीआरका लागि योग्य हुने अवधि पाँचबर्ष नै तोकिएको छ । विगतमा असाधारण प्रतिभा टियर १ भिसामा रहेकाहरुले पीआरका लागि आवेदन दिनका लागि भिसा बदल्न आवश्यक भने हुनेछैन ।