माल्टामा नेपाली जनसम्पर्क समिती बिस्तार, सन्देश केसी संयोजक
प्रकाशित मिति : माघ १३, २०७६ सोमबार
नेपाली काँग्रेस सम्बद्ध नेपाली जनसम्पर्क समिती माल्टामा बिस्तार भएको छ । नेपाली जनसम्पर्क समिती विश्वका विभिन्न देशमा सकृय रहदै आएकोमा माल्टामा पनि बिस्तार गरिएको हो ।
सन्देश केसी संयोजक रहेको नेपाली जनसम्पर्क समिती माल्टामा १५ सदस्यिय तदर्थ समिती बनाइएको छ । जसमा उप संयोजक रेमलाल खनाल रहेका छन् ।
तदर्थ समितिका महामन्त्री उज्वल केसी, सह महामन्त्री निरज ढकाल, सब महामन्त्री प्रकाश भन्डारी , कोषाध्यक्ष शंकर खत्री, प्रवक्ता विकेस घिमिरे रहेका छन् । सदस्यहरुमा रोशन गिरी, प्रकाश थापा, दिपक पोख्रेल आकाश गुरुंग, राजेश पंगेनी र सफल खरेल चयन भएका छन् ।
अहिलेसम्म विश्वका झण्डै तीन दर्जन देशहरुमा नेपाली जनसम्पर्क समितीहरु कृयाशिल रहेका छन् । तर नेपाली काँग्रेसले विदेशको नागरिकता लिएको व्यक्ति पार्टीको कृयाशिल सदस्य हुन नसक्ने वैधानिक प्रावधान बनाएपछि कतिपयदेशमा जनसम्पर्कसमितिका अधिवेशन हुन पाएका छैनन् ।
नेपाली काँग्रेसको नयाँ विधानको १२ नम्बर बुँदाको ख मा नेपाली काँग्रेसको सदस्यता प्राप्त गरेको १ बर्ष पुगेको विदेशमा बसेको नेपाली नागरिकले नेपाली काँग्र्रेसको कृयाशिल सदस्यता प्राप्त गर्नका लागि सम्बन्धित देशको जनसम्पर्क समितिमा तोकिएबमोजिम आवेदन गर्न सक्ने तर त्यसका लागि नेपाली नागरिकता र नेपाली राहदानीको प्रमाणित प्रतिलिपी पठाउनुपर्ने व्यवस्था गरेको छ ।
यसर्थ जनसम्पर्क समितिको कार्यसमितिमा आउनका लागि नेपाली काँगेसको कृयाशिल सदस्य हुनुपर्ने प्रावधान रहेका कारण विदेशको नागरिकता लिएका र जनसम्पर्क समितिको कार्यसमितिमा आउन चाहनेमाथि बन्देज लागेको छ ।