एनआरएनए उपाध्यक्ष लामा लाप्राकमा, बस्ती हस्तान्तरणको अन्तिम तयारी
प्रकाशित मिति : मंसिर २७, २०७६ शुक्रबार
गैरआवासीय नेपाली संघले भूकम्पपीडितका लागि निर्माण गरिएको लाप्राक नमुना बस्ती हस्तान्तरणको योजना बनाइरहँदा संघका उपाध्यक्ष सोनाम लामाले बस्तीको अवलोकन गर्नुभएको छ । उहाँले त्यहाँका लाभग्राही, वडा अध्यक्ष, गाउँपालिका प्रमुख र स्थानीय सरोकारवालाहरु संग भेटघाट गर्नुभएको छ। उहाँले सबै सरोकारवालाहरुसंग नमूना वस्ति बारे छलफल गर्नु भयो ।
यसका साथै उहाँले त्यहा कार्यरत कर्मचारीहरुलाई काममा तिव्रता दिइ जतिसक्दो चाडो निर्माण कार्य सम्पन्न गर्न निर्देशन दिनु भयो । हाल निर्माण कार्य अन्तिम चरणमा रहेको र चाँडै नै निर्माण कार्य सम्पन्न हुने कुरा परियोजना प्रमुखले जानकारी गराउनु भएको थियो । विषम एवम प्रतिकुल मौसमका बाबजुद पनि हाल सम्म त्याहाँ रहेका कामदारहरु र नेपाली सेनाले गरेको काम प्रति संघका उपाध्यक्षले प्रशंसा गर्नु भयो ।
यसरीनै उहाँले लाभग्राहीहरु संग निर्माण कार्यका दौरान भएका गतिविधिहरु बारे छलफल गर्नु भयो । लाभग्राहीहरुले समयमा नै काठको व्यवस्था नगर्दा निर्माण कार्यमा ढिलाइ भएको जानकारी गराउनका साथै निर्माण स्थल सम्म काठहरु ल्याउन कठिनाइहरुको सामना गर्नु परेको बारेमा पनि अवगत गराएका थिए । यसरी नै गाउँपालिकाका अध्यक्षले निर्माण भइसकेका घरहरुमा लाभग्राहीहरुलाई सार्नको लागि पहल गर्ने र साथै यस परियोजनामा स्थानीय तहबाट पूर्ण सहयोग रहने प्रतिबद्धता समेत व्यक्त गर्नु भयो ।
उपाध्यक्ष लामाले परियोजनामा सहयोग गर्नु हुने सबै सरोकारवालाहरु प्रति धन्यवाद प्रकट गर्नुका साथै सबै सरोकारवालाहरुलाई छिटो भन्दा छिटो निर्माण कार्य सम्पन्न गर्न अनुरोध गर्न भयो ।
यस भ्रमणमा संघका प्रमुख कार्यकारी अधिकृत डा। हेमन्त दवाडी र सूचना प्रविधी तथा संचार अधिकृत रुपक लामिछानेको सहभागीता रहेको थियो ।
यसैबीच एनआरएनए अध्यक्ष कुमार पन्तले खसोखाससँग कुरा गर्दै लाप्राक परियोजनालाई गाउँलेहरु बस्न मिल्नेगरी मंसिरभित्रै हस्तान्तरण गर्ने तयारी भइरहेको बताउनुभएको छ । गाउँलेहरुलाई घर हस्तान्तरण गर्नका लागि सचिवालय लाप्राक पुगेको र सम्झौताभन्दा बाहिरका शौचालयहरु समेत बनाएर गाउँलेहरुलाई दिइसकिएको पन्तले जानकारी दिनुभयो ।
‘सिमा अतिक्रमणको विषय अन्तर्राष्ट्रियकरण गर्छौं, अन्तर्राष्ट्रिय अदालतसम्म पनि पुग्न सक्छौं’