अमेरिकामा यो बर्षपनि ६६ हजार अस्थायी गैरकृषि कामदार ल्याइने, ३३ हजारको कोटा पूरा

अमेरिकामा अस्थायी गैरकृषि कामदारका लागि चालु आर्थिकबर्ष २०२० को पहिलो ६ महिनाका लागि आवेदन कोटा पूरा भएको युएससीआईएसले जनाएको छ । अप्रिल १ , २०२० भन्दा अगाडि काम सुरु गर्ने कृषि बाहेकका अन्य क्षेत्रका अस्थायी कामदारका लागि एच टु बी भिसा आवेदन फाइल गर्ने अन्तिम मिति नोभेम्बर १५ रहेको थियो ।

अप्रिल १ भन्दा अगाडि काम सुरु गर्नेहरुका नोभेम्बर १५ पछि प्राप्त हुने आवेदनहरु युएससीआईएसले स्वत अस्वीकार गर्ने भएको छ । संसदीय म्याण्डेडमा नपर्ने एच टु बी भिसा आवेदन भने स्वीकार गर्ने जनाइएको छ ।

यसबारे अमेरिकी सरकारको युएससीआईएसका प्रकाशित सुचना पढ्न यहाँ क्लिक गर्नुहोला ।

अहिले अमेरिकामा कृषि बाहेकका अन्य क्षेत्रमा काम गरिरहेका एच टु बी भिसा वाहकले रोजगारका शर्त परिवर्तन, रोजगारदाता परिवर्तन वा भिसा अवधि बढाउनका लागि दिएको आवेदन भने निरन्तर रुपमा नै स्वीकार गरिने भएको छ । त्यस्तै माछाको अण्डा प्रशोधनमा काम गर्नेहरु, त्यहाँका प्राविधिक वा सुपरभाइजरको भिसा आवेदन पनि स्वीकार गरिने छ । गुआम र मरियाना आइल्याण्डमा सन् २००९ को नोभेम्बर २८ देखि काम गरिरहेकाहरुको आवेदन पनि स्वीकार गरिनेछ ।

अमेरिकामा कृषि बाहेकका अन्य क्षेत्रमा काम गर्न आउने अस्थायी कामदारका लागि एच टु बी भिसा बनाइएको छ । अहिले यो भिसाका लागि बार्षिक कोटा ६६ हजार रहेको छ । जसमध्ये अप्रिल १ अगाडि ३३ हजार र अक्टोबर १ अगाडि थप ३३ हजारले काम सुरु गर्न पाउँछन् ।

Loading...

एच टु बी अस्थायी कामदार भिसाबारे थाहा पाउन यहाँ क्लिक गर्नुहोला ।

यो भिसामा योग्य हुनका लागि रोजगारदाताले अमेरिकामा रहेका कामदारहरु उक्त काम गर्नका लागि सक्षम, योग्य वा इच्छुक नभएको प्रमाणित गर्न सक्नुपर्छ । साथै विदेशबाट ल्याइने कामदारका कारण अमेरिकामा रहेको श्रमबजार प्रभावित नहुने सुनिश्चित गर्नुपर्छ ।

एचटुबी भिसाको कोटा काउन्टबारे थप जानकारी यो लिंकमा उपलब्ध छ ।

भिडियो हेर्नुहोस्

Loading...



प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com