जनगणनाका लागि एनआरएनए अमेरिका न्यूयोर्क च्याप्टर सक्रिय : सेन्सस ब्यूरोमा सुचित
प्रकाशित मिति : कार्तिक २०, २०७६ बुधबार
जनगणना कार्यक्रम २०२० मा धेरै भन्दा धेरै नेपालीहरुलाई समावेश गर्ने हेतुले एनआरएनए अमेरिका न्यूयोर्क च्याप्टरले एक समिति गठन गरेको छ । न्यूयोर्क च्याप्टर अध्यक्ष रामहरी अधिकारीको अध्यक्षतामा सेन्सस ब्यूरोका अधिकारी लोप्साङ थिन्ली सहितको एक समिति बनाइएको छ ।
एनआरएनए न्यूयोर्क कम्प्लिट काउन्ट कमिटि २०२० नाम दिइएको समितिमा न्यूयोर्क क्षेत्रमा रहेका बिभिन्न व्यक्तित्वहरुलाई समावेश गरिएको छ । च्याप्टर अध्यक्ष रामहरी अधिकारीले यो समितिमा न्यूयोर्क क्षेत्रबाट निर्वाचित पदाधाकारीलाई समेत राखिने जनाइएका छन् । यसैबीच सेन्सस ब्यूरोले आफ्नो वेभसाइडमा जनगणनाका लागि एनआरएनए अमेरिका न्यूयोर्क च्याप्टरलाई आधिकारीक समितिमाका रुपमा सुचिकृत गरेको छ ।
अध्यक्ष अधिकारीले न्यूयोर्कमा सक्रिय भएर काम गरिहरेको अधिकार लगायतका संघ सस्थासंग सहकार्य गर्दै अगाडी बढ्ने बताएका छन् । केही दिन अगाडी न्यूयोर्क क्षेत्रमा सक्रिय संघ सस्थाहरुको एउटा भेलाले यूस नेपाली काउन्ट कमिटि समेत बनाएको छ । जनगणनाका लागि एनआरएनए अमेरिकाले च्याप्टर अध्यक्षहरु समेत स्वत सदस्य रहने गरी वरिष्ठ उपाध्यक्ष डाक्टर अर्जुन बन्डाजेको अध्यक्षतामा एउटा समिति बनाएको छ । पछिल्लो क्रममा अमेरिकामा नेपालीहरुको संख्या दिनहुँ बढ्दो रहेको भएपनि आधिकारीक रुपमा नेपालीहरुको संख्या कति छ भन्ने यकिन तथ्याङक भने छैन् ।
