विदेशी टिभी च्यानलले नेपालमा विज्ञापनरहित सामग्री प्रसारण गर्नुपर्ने विधेयक प्रमाणीकरण
प्रकाशित मिति : कार्तिक ९, २०७६ शनिबार
अब विदेशी च्यानलले नेपालमा विज्ञापनरहित सामाग्री प्रशारण गर्नुपर्ने भएको छ । विज्ञापन नियमन गर्ने बनेको विज्ञापन विधेयक क्लिनफिडको व्यवस्थासहित राष्ट्रपति विद्या भण्डारीले प्रमाणीकरण गरेसँगै नेपालमा क्लिनफिड व्यवस्था पनि लागू भएको हो ।
विदेशी टेलिभिजन च्यानलले विदेशी विज्ञापन प्रशारण गर्न नपाउने भएपनि नेपालमै बनाइएका विज्ञापन करको दायराभित्र रहेर प्रसारण गर्न सक्नेछन् ।
अब विदेशी विज्ञापनलाई नेपालका सञ्चारमाध्यमले प्रसारण गर्दा डबिङ गरी प्रसारण गर्न नपाइने भएको छ । अब विदेशी विज्ञापन तयार गर्दा स्वदेशकै कलाकार तथा दृश्य प्रयोग गर्नुपर्नेछ ।
प्रमाणीकरण भएको विधेयकमा सरकारी विज्ञापन एकद्वार प्रणालीबाट वितरण गर्ने व्यवस्था पनि गरिएको छ । सरकारले दिने कुनै पनि प्रकारको विज्ञापन अब नयाँ गठन हुने बोर्डमार्फत वितरण हुनेछ । विज्ञापन बोर्डमा नेपाल सरकारले नियुक्त गरेको व्यक्ति अध्यक्ष हुनेछ ।