करछलीमा मौन, राजस्व कार्यालय लाहान
प्रकाशित मिति : बैशाख ९, २०७६ सोमबार
आन्तरिक राजस्व कार्यालय लाहान, बजारमा कर छलीका गुट्खा पान पराग धमाधम विक्री हुंदा मौन छ । बजारमा दुइ किसिमका यस्ता छली सामान भेटिएका छन् ।
भन्सार छलीका पान पराग गुट्खा लाहान बजारमा व्यापक फेला परेको छ । भारतबाट यस्ता गुटखा भन्सार छली गरेर नेपाल भित्रियाउने गरिएको छ ।
नेपालमा पनि यस्ता गुट्खाको अवैध विक्रीबितरण हुदै आएका छन् । गुटखा कारोबारीहरुले २० देखि २५ प्रतिशत गुटकामा राजस्वको स्टीकर लगाउने गरेको छन् । अधिकतम गुटखामा स्टीकर नलगाएको भेटिएको छ । उक्त छलीको विषयमा सोमबार लहान उद्योग वाणिज्य संघमा भएको व्यवसायीहरुको छलफल कार्यक्रममा यस्तो कारोबारको खुलासा भएको हो ।
आन्तरिक राजस्व कार्यालय लहान भने बेखबर जस्तै छ । लहान बजारमा गुटकामा व्यापक राजस्व छली हुंदा सम्बन्धित निकायहरु मौन छन् । पान गुटखामा विना स्टीकरको जिल्ला सिरहा , सप्तरी , धनुषा आदि सबै बजारमा व्यापक विक्री भइरहेको छ ।
यसवारे आन्तरिक राजस्व कार्यालयसँग सम्पर्क गर्दा सबै ठाउ पुग्न नसकिएको बताएको छ । आन्तरिक राजश्वको बेवास्ताका कारण कर छलीमा व्यस्त व्यवसायी यस्ता धन्दा चलाइरहेको छन् ।
राजस्व छली हुन नदिन तथा नक्कली कमसल गुटखा विक्री वितरण नगर्न लहान उद्योग वाणिज्य संघका अध्यक्ष अशोकलाल अमात्य आग्रह गरेका छन् ।
राजस्व छली, अखाद्य, म्याद नाघेको, नक्कली मालसमान खरिद विक्री नगर्न यसको लागि लहान नगरपालिकाले सचेतनामुलक कार्यक्रम संचालन गर्नुपर्ने व्यवसायी रमेश मुरारकाले बताए । बजारमा ९० प्रतिशत पेय पदार्थ म्याद नाघेको बिक्री वितरण भइरहेको यवसायीहरुको व्यापारीहरुको छलफलमा सो खुलासा भएको हो । नेपालमा पेय पदार्थको म्याद तीन महिना मात्रै तोकिएको हुन्छ ।