न्युयोर्कमा आइसले अदालत परिसरबाट आप्रवासी पक्राउ गर्न नपाउने
प्रकाशित मिति : बैशाख ५, २०७६ बिहीबार
न्युयोर्कका अदालत परिसरबाट अब इमिग्रेशन एण्ड कस्टम इन्फोर्समेन्ट आइसका एजेन्टहरुले कागजपत्रविहिन आप्रवासीहरुलाई पक्राउ गर्न नपाउने भएका छन् । न्युयोर्क राज्यको अदालती प्रशासन कार्यालयले जारी गरेको निर्देशिका अनुशार बुधबारदेखि न्युयोर्कका अदालत परिसरबाट आइसले कानुनी वारेन्ट वा आदेशविना आप्रवासीलाई पक्राउ गर्न नपाउने भएको छ ।
विभिन्न मामलामा अदालतमा उपस्थीत भएका आप्रवासीहरुलाई आइसले अदालत परिसरबाट पक्राउ गरेर संघीय अध्यागमन हिराशतमा लैजाने क्रममा ट्रम्प प्रशासनले तीब्रता ल्याएपछि त्यसलाई रोक्न यस्तो कदम चालिएको हो । यो कदमको आप्रवासी अधिकारकर्मीहरुले प्रशंसा गरेका छन् ।
गतबर्षमात्र न्युयोर्कका अदालत परिसरबाट १७८ जना आप्रवासीहरुलाई नियन्त्रणमा लिइएको थियो । जबकी सन् २०१६ मा जम्मा ११ जना आप्रवासीहरु पक्राउ परेका थिए । ट्रम्प प्रशासनले अदालत परिसरबाट आप्रवासी गिरफ्तार गर्न थालेपछि कागजपत्रविहिनहरु अदालत जानसमेत डराउने अवस्था सृजना भएको थियो ।
