२ मंसिर २०८३, बुधबार| Wednesday, November 18, 2026
इमिग्रेशन

पोल्याण्डमा इयु ब्लुकार्ड आवेदकको तलब मापदण्ड बृद्धि

पोल्याण्डमा युरोपियन युनियनको ब्लुकार्ड आवेदनका लागि न्यूनतम तलबको मापदण्ड बढाइएको छ । अब ब्लुकार्ड आवेदकका लागि रोजगारदाताले कम्तीमा पनि मासिक ६ हजार ८ सय ७७ पोल्याण्डको मुद्रा अफर गर्नुपर्नेछ ।

इयु ब्लुकार्डले युरोपियन युनियन बाहेकका देशका दक्ष कामदारका लागि युरोपियन युनियनभित्रका देशमा कामगर्न पाउने सुविधा प्रदान गर्दछ । युरोपियन युनियनभित्रका २५ वटा देशहरुले यस्तो ब्लुकार्ड जारी गर्न सक्छन् । डेनमार्क, आयरल्याण्ड र बेलायतले भने ब्लुकार्ड जारी गर्दैनन् ।

पहिले नै काममा राखिएका ब्लुकार्ड होल्डरको तलब भने रोजगारदाताले बढाउन आवश्यक नभएको जनाइएको छ । तर फरबरी ११, २०१९ पछि नविकरण वा प्रारम्भिक आवेदन दिंदा भने नयाँ तलब मापदण्ड कार्यान्वयन गर्नुपर्नेछ । फरबरी ११ सम्म पेन्डिङ अवस्थामा रहेका आवेदनका सन्दर्भमा पनि नयाँ तलब मापदण्ड लागु हुनेछ ।

पोल्याण्डमा अन्य कामका लागि भने गत डिसेम्बरमा नै घोषित न्युनतम तलब मापदण्ड कायम गरिएको छ । स्थानीय रोजगारका लागि जनवरी १ देखि लागु हुने गरी प्रतिमहिना २२ सय ५० स्थानीय मुद्रा दिनुपर्ने प्रावधान लागु गरिएको थियो । पुरानो तलब भने २१ सय रहेको थियो ।

लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →