यसकारण एनआरएन अमेरिकाको सर्भर डाउन, पछि सदस्य बन्नेहरु ग्लोबल सम्मेलनमा प्रतिनिधि बन्न पाउने
प्रकाशित मिति : फाल्गुन ४, २०७५ शनिबार
एनआरएनए अमेरिकाका अध्यक्ष डाक्टर केशव पौडेलले वक्तब्य जारी गरी सदस्यता लिने बेलामा संस्थाको वेवसाइटको सर्भर डाउन हुनुको कारणबारे स्पष्ट पारेका छन् । सर्भर डाउन भएका कारण कैयनले तोकिएको मितिभित्र सदस्यता लिनबाट वञ्चित भएकोमा एनआरएनए अमेरिकाका तर्फबाट माफी मागिएको छ ।
मार्च १ पछि पुन सदस्यता वितरण सुरु गरिने तर त्यसपछि सदस्य बन्नेले एनआरएनए अमेरिकाको सन् २०१९ को चुनावमा मतदान गर्न र उम्मेवारी दिन भने नपाउने स्पष्ट पारितएको छ । तर मार्च १ पछि सदस्य बन्नेहरु समेत आगामी अक्टोबरमा काठमाडौंमा हुने एनअराएनए आईसीसीको चुनावमा भने प्रतिनिधि हुन पाउने जनाइएको छ ।
वक्तब्यसँगै पठाइएको वेवसाइटको सिमित क्षमताका कारण सर्भर डाउन भएको जनाइएको छ । हेर्नुहोस् वक्तब्यको पूर्ण पाठ ।
