अमेरिकी सरकारको युएससीआईएसको श्रोतपेज अब नेपालीमा पनि
प्रकाशित मिति : माघ १, २०७५ मंगलबार
अमेरिकी सरकारको सिटिजनसिप एण्ड इमिग्रेशन सर्भिसेज युएससीआईएसले विभिन्न २५ वटा भाषामा निर्माण गरेको श्रोतपेजमा नेपाली भाषापनि समावेश गरेको छ । अब युएससीआईएसको वेवसाइटमा गएर नेपालीहरुले नेपाली भाषामा नै श्रोत पेज पढ्न पाउनेछन् ।
वेवसाइटको सुरुमा भाषा छनौटका लागि विकल्प दिइएको छ । जसमा २५ वटाभाषाको सुची रहेको छ । नेपालीमा क्लिक गरेर नेपालीभाषामा उपलब्ध श्रोत सामाग्रीहरु पढ्न सकिने व्यवस्था मिलाइएको छ ।
हिन्दी, उर्दु, स्पानिस लगायतका अन्य भाषामा पनि श्रोत पेज उपलब्ध छ । यद्यपी श्रोत पेजमा नेपाली भाषामा त्यतीे धेरै सामाग्रीहरु पनि राखिएको छैन ।
अमेरिकी सरकारको युएससीआईएसले अँग्रेजी भाषा बोल्ने बाहेकका अन्य सेवाग्राहीहरुलाई पनि सुविधा दिनका लागि विभिन्न भाषामा सुविधाहरु उपलब्ध गराउँदै आएको छ ।