सरकार शटडाउनका कारण सुनुवाई रोकिएका एसाइलमको नयाँ मिति सरकार खुलेपछि, १ बर्षसम्म पछि सर्नसक्ने
प्रकाशित मिति : पुस १८, २०७५ बुधबार
अमेरिकी सरकार आंशिक रुपमा शटडाउन हुँदा एसाइलमका अदालती सुनुवाईहरु रोकिएको छ । शटडाउनका अधिकांश अध्यागमन अदालतहरु बन्द भएपछि शटडाउनको समयमा तोकिएका एसाइलमका सुनुवाईहरु स्थगीत भएका हुन् ।
रोकिएका एसाइलमका मुद्दाको सुनुवाईको नयाँ मिति सरकार खुलेपछिमात्र प्रदान गरिने जनाइएको छ । तर यसरी दिने नयाँ मिति महिनौं वा बर्षौपछिको हुनसक्ने कानुन व्यवसायीहरुले बताएका छन् ।
अमेरिकी अध्यागमन अदालतमा झण्डै ८ लाख मुद्दाहरु पेन्डिङ अवस्थामा रहेको बखत अमेरिकी सरकार शटडाउनका कारण अदालती कामकारवाही रोकिदा ब्याकलग अझ बढेको छ । डिपार्टमेन्ट अफ जस्टिस अन्तरगत अध्यागमन अदालतहरुले थुनामा नराखिएका आवेदकका मुद्दाहरुको सुनुवाई अनिश्चितकालका लागि स्थगित गरिदिएको हो ।
अमेरिकी अध्यागमन अदालतमा रहेका अधिकांश मुद्दाहरु हिराशतमा नरहेका आवेदकहरुको रहेको छ । तर हिराशतमा राखिएका आप्रवासीहरुका मुद्दाहरुको सुनुवाई भने स्थगित नभएको जनाइएको छ ।