क्युबाली क्रान्तिका नायक फिडेल क्यास्ट्रोको निधन

खसोखास अमेरिका ब्यूरो

---

प्रकाशित मिति : मंसिर ११, २०७३ शनिबार

क्युवाका पूर्व राष्ट्रपति एवं कम्युनिष्ट क्रान्तिका नेता फिडेल क्यास्ट्रोको ९० बर्षको उमेरमा निधन भएको छ ।

क्युवको क्रान्तिका कमाण्डर क्यास्ट्रोको निधन भएको उनका भाई एवं क्युवाका वर्तमान राष्ट्रपति राउल क्यास्ट्रोले पुष्टी गरेका छन् ।

सन् २००८ मा राउलले शासन सम्हाल्नु अगाडि फिडेल क्यास्ट्रोले झण्डै ५० बर्षसम्म क्युबामा एकदलीय राज्यका रुपमा शासन गरेका थिए ।

गत अप्रिलमा फिडेल क्यास्ट्रोले कम्युनिष्ट पार्टीको अधिवेशनमा निकै दुर्लभ भाषण गरेका थिए । उनले त्यतीबेला क्युवाको कम्युनिष्ट अवधारणा अझै पनि अर्थपूर्ण नै रहेको बताएका थिए । उनले त्यतीबेला आफू छिट्टै ९० बर्ष पुग्न लागेको र यो कुराको आफैले कहिल्यै परिकल्पना नगरेको बताएका थिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

फिडेल क्यास्ट्रोले आफू बिरामी भएपछि सन् २००६ मा आफ्ना भाई राउल क्यास्ट्रोलाई अस्थायी रुपमा शक्ति हस्तान्तरण गरेका थिए । त्यसको दुईबर्षपछि राउल क्यास्ट्रोले पूर्णरुपमा शासनसत्ता सम्हालेका थिए ।

अमेरिका र क्युबाबीचको शितयुद्धको अवधिभर फिडेल क्यास्ट्रो अमेरिकाका कडा आलोचक र विरोधी रहेका थिए ।