चट्याङ लागेर एक युवकको मृत्यु
प्रकाशित मिति : चैत्र २४, २०७४ शनिबार
चैत २४, धादिङ । उत्तरी धादिङको रुवीभ्याली–३ सेर्तुङको घट्टटोलमा चट्याङ लागेर एक युवकको मृत्यु भएको छ । शनिबार बिहान ११ बजेतिर पानी परिरहेका बेला घरमै काम गरिरहेका अन्दाजी ३५ वर्षीय सरोज तामाङको चट्याङ लागेर मृत्यु भएको सेर्तुङका दीलिप घलेले बताए ।
तामाङको घटनास्थलमै मृत्यु भएको र अन्य तीन घरमा जडान गरिएका सोलार सिष्टममा पूर्ण रुपमा क्षति पुगेको बताइएको छ ।
घटनापछि सेर्तुङ प्रहरी चौकीबाट गएको प्रहरी टोलीले घटनास्थलको मुचुल्का गरि शव परिवारको जिम्मा लगाएको छ ।
घटनास्थल सदरमुकाम धादिङवेँशीबाट तीन दिनको पैदल दुरीमा पर्छ ।