अमेरिकी संसदद्वारा यूएसएआईडी र शरणार्थी सहायता कार्यक्रमको बजेट कटौती, डेमोक्र्याटको विरोध
प्रकाशित मिति : श्रावण १, २०८२ बिहीबार
अमेरिकी प्रतिनिधि सभाले डोनाल्ड ट्रम्पको हस्ताक्षरसँगै कानून बन्ने तयारीमा रहेको खर्च कटौतीसम्बन्धी विधेयक पारित गरेको छ ।
रिपब्लिकनको नियन्त्रणमा रहेको सभाले २१६–२१३ मतले ९ बिलियन डलर बराबरको पहिले नै स्वीकृत गरिएको खर्च कटौती गर्ने विधेयकलाई अन्तिम पारित गरेको हो ।
यो विधेयकमा सार्वजनिक मिडिया र वैदेशिक सहायता सम्बन्धी ठूलो कटौती गरिएको छ ।
प्रतिनिधि सभामा बिहीबार राति मध्यरातपछि भएको मतदानमा ओहायोका माइक टर्नर र पेन्सिल्भेनियाका ब्रायन फिजप्याट्रिक नाम गरेका दुई रिपब्लिकन सांसदले डेमोक्र्याटहरूसँग मिलेर विधेयकको विपक्षमा मत दिएका थिए ।
विधेयकअनुसार एनपीआर र पीबीएस जस्ता सार्वजनिक प्रसारण संस्थाहरूलाई सहयोग गर्ने बाट १.१ बिलियन डलर कटौती गरिनेछ । त्यस्तै, यूएसएआईडी, विश्व स्वास्थ्य प्रवर्द्धन र शरणार्थी सहायता कार्यक्रमहरूबाट ८ बिलियन डलर कटौती गरिनेछ ।
यद्यपि, एचआईभी एड्ससँग सम्बन्धित लोकप्रिय बुश युगको पेपफर कार्यक्रममा गरिने भनिएको कटौती अन्तिम समयमा हटाइएको छ। एनपीआरकी सीईओले भनिन्, “यदि यो कटौती कार्यान्वयनमा आयो भने आगामी त्रैमासिकमै थुप्रै सार्वजनिक रेडियो स्टेशनहरू बन्द हुन सक्छन्।”
तर डेमोक्र्याटहरू यो विधेयकको विपक्षमा उभिएका छन । उनीहरूले यसलाई क्रूर, अमेरिकी नेतृत्वलाई कमजोर बनाउने र आफ्नो त्रुटिपूर्ण आर्थिक नीतिहरू छोप्न गरिएको प्रचारात्मक चाल भनेका छन ।
यो विधेयक सेनेटबाट ९.४ बिलियन डलरको कटौतीबाट घटाएर ९ बिलियन डलर बनाइएको थियो । किनभने जीओपी भित्र धेरै सांसदले पेपफर मा कटौती गर्न नहुने भन्दै विरोध जनाएका थिए।
डेमोक्र्याट नेताहरूले यस किसिमको खर्च कटौतीले सरकारको साझा सहमतिमा आधारित बजेट प्रक्रिया ध्वस्त पार्ने र राष्ट्रपतिले धेरै शक्ति हात पार्ने अवस्था बनाउने बताएका छन ।