आफ्ना कम्पनीहरूमा २४/७ काममा फर्किए मस्क, भने – ‘सम्मेलन कक्ष र सर्भर रूममा सुत्छु’
प्रकाशित मिति : जेष्ठ ११, २०८२ आईतबार
TOPSHOT-US-POLITICS-TRUMP-CABINET
एलन मस्कको सामाजिक सञ्जाल प्लेटफर्म एक्समा शनिबार भएको सेवा अवरोधले विश्वभरका लाखौं प्रयोगकर्ताहरूलाई प्रभावित गरेको छ। अमेरिका, जर्मनी, स्पेन, फ्रान्स, भारत, क्यानडा, अष्ट्रेलिया र बेलायतका प्रयोगकर्ताहरूले पनि यो अवरोधको सामना गर्नुपरेको डाउनडिटेक्टर डटकमले जनाएको छ।
डाउनडिटेक्टरका अनुसार, शनिबार बिहान ८:५१ बजे (अमेरिकी समय) मा सेवा अवरोधको चरम बिन्दुमा २५,८०० भन्दा बढी प्रयोगकर्ताहरूले एक्स प्लेटफर्ममा समस्या भएको गुनासो गरेका थिए। मध्यान्ह १२:०९ बजेसम्म यो संख्या ६५० भन्दा तल झरेको थियो।
एलन मस्कले एक्समा पोस्ट गर्दै भने, “म फेरि २४/७ काममा फर्किएको छु, सम्मेलन कक्ष र सर्भर रूममा सुत्दै छु। एक्स, एक्सएआई र टेस्लामा मेरो ध्यान केन्द्रित हुनुपर्छ, किनकि हामी महत्त्वपूर्ण प्रविधिहरू रोल आउट गर्दैछौं।” उनले अर्को हप्ता स्टारशिप प्रक्षेपणको पनि उल्लेख गरे।
मस्कले गत वर्ष अमेरिकी राष्ट्रपति डोनाल्ड ट्रम्पको अभियान र अन्य रिपब्लिकनहरूलाई समर्थन गर्न ३०० मिलियन डलर खर्च गरेका थिए। तर, मंगलबार उनले आफ्नो राजनीतिक खर्चलाई उल्लेखनीय रूपमा कटौती गर्ने र आफ्नो व्यापारिक साम्राज्यमा ध्यान केन्द्रित गर्ने बताए।
उनको राजनीतिक दृष्टिकोणले अमेरिका र युरोपमा टेस्लाविरुद्ध विरोध प्रदर्शनहरू निम्त्याएको थियो, जसले टेस्लाको बिक्रीमा कमी ल्यायो। गत वर्ष टेस्लाले वार्षिक डेलिभरीमा पहिलो पटक गिरावटको सामना गर्नुपरेको थियो।
मस्कले टेस्लामा बिताएको समयले लगानीकर्ताहरूलाई चिन्तित बनाएको छ। यो चिन्ता कम गर्न उनले मे महिनाबाट डिपार्टमेन्ट अफ गभर्नमेन्ट एफिसिएन्सी ९डोगे० मा आफ्नो समय हप्ताको एक वा दुई दिनमा घटाउने बताएका छन्।