एल साल्भाडोरको जेलमा पठाइएका २० वर्षीय व्यक्तिलाई अमेरिका फिर्ता ल्याउन आदेश
प्रकाशित मिति : बैशाख ११, २०८२ बिहीबार
एक संघीय न्यायाधीशले अमेरिकी राष्ट्रपति डोनाल्ड ट्रम्पको प्रशासनलाई एल साल्भाडोरको जेलमा पठाइएका एक व्यक्तिलाई अमेरिकामा फिर्ता ल्याउन सहजीकरण गर्न आदेश दिएकी छिन् । यो निर्वासनले अदालतको सम्झौता उल्लंघन गरेको न्यायाधीशको ठहर छ।
बुधबार बाल्टिमोरकी अमेरिकी जिल्ला न्यायाधीश स्टेफनी ग्यालाघरले नोभेम्बरमा हजारौं आप्रवासीहरूको तर्फबाट अनुमोदन गरेको सम्झौता सम्झौताले आप्रवासन प्राधिकरणहरूलाई २० वर्षीय भेनेजुएलाको व्यक्ति (जसलाई क्रिस्टियनको रूपमा चिनिन्छ) शरण आवेदन प्रक्रिया गर्नुपर्ने बताएकी थिइन्।
यो फैसलाले ट्रम्प प्रशासन र संघीय अदालतहरूबीच आप्रवासन प्रवर्तनमा अर्को टकरावको स्थिति सिर्जना गर्न सक्ने अनुमान गरिएको छ । प्रशासनलाई यसअघि किल्मार अब्रेगो गार्सिया नामक साल्भाडोरन व्यक्तिलाई पनि फिर्ता ल्याउन आदेश दिइएको थियो, जसलाई गल्तीमा निर्वासित गरिएको स्वीकार गरिएको छ, तर सरकारले यो आदेश पालना गर्न थोरै प्रयास गरेको न्यायाधीशको भनाइ छ।
प्रशासनले क्रिस्टियन, अब्रेगो गार्सिया र गत महिनादेखि साल्भाडोरन जेलमा पठाइएका २५० भन्दा बढी व्यक्तिहरूलाई गिरोहका सदस्य भएको दाबी गरेको छ। साथै, १७९८ मा अपनाइएको युद्धकालीन कानून (विदेशी शत्रु ऐन) अन्तर्गत तिनीहरूलाई हटाउने अधिकार रहेको बताएको छ।
न्यायाधीश ग्यालाघरले क्रिस्टियनको निर्वासनले सम्झौता उल्लंघन गरेको विषयमा मात्र विचार गरिन्, न कि उक्त कानूनको प्रयोग ठीक थियो कि थिएन भन्ने विषयमा । जुन अब्रेगो गार्सिया र अन्य आप्रवासीहरूको मुद्दामा विवादको बिषय हो। यो सम्झौता अमेरिकामा बाल्यकालमा बिना अभिभावक आएका र शरणको लागि आवेदन दिएका हजारौं आप्रवासीहरूलाई लागू हुन्छ।
‘पेन्डिङ शरण आवेदन भएका सम्झौता समूहका सदस्यहरूलाई संयुक्त राज्य अमेरिकाबाट हटाइयो भने शरणको लागि अयोग्य बनाइन्छ, जसले सम्झौताको मूल उद्देश्यलाई नष्ट गर्छ’, ट्रम्पद्वारा नियुक्त ग्यालाघरले लेखेकी छन्।
ह्वाइट हाउस, होमल्यान्ड सिक्युरिटी विभाग र वादीहरूको प्रतिनिधित्व गर्ने वकिलहरूले यो विषयमा तत्काल कुनै टिप्पणी दिएका छैनन्।
क्रिस्टियन २०१९ को मुद्दाको समूहमा समावेश छन्, जसले आप्रवासन प्राधिकरणहरूले शरण आवेदनको अन्तिम निर्णय नहुँदै आप्रवासीहरूलाई निर्वासित गरिरहेको दाबी गरेको थियो।
शरण भनेको अमेरिकामा अवैध रूपमा रहेका तर आफ्नो देश फर्किएमा उत्पीडनको सामना गर्नुपर्ने व्यक्तिहरूलाई प्रदान गरिने मानवीय संरक्षण हो।
ट्रम्प प्रशासनले क्रिस्टियनलाई युद्धकालीन कानून अन्तर्गत ‘विदेशी शत्रु’ ठानिएकोले उनको निर्वासनले सम्झौता उल्लंघन नगरेको तर्क गरेको थियो। तर, न्यायाधीश ग्यालाघरले सम्झौता पेन्डिङ शरण आवेदन भएका सबैलाई लागू हुने बताएकी छन्।
न्यायाधीशले प्रशासनलाई एल साल्भाडोर सरकारसँग क्रिस्टियनलाई अमेरिकी हिरासतमा रिहा गर्न अनुरोध गर्न र सम्झौताले समेटिएका अन्य आप्रवासीहरूलाई निर्वासित नगर्न आदेश दिएकी छन्।
यसैबीच, एल साल्भाडोरका राष्ट्रपति नायिब बुकेले अमेरिकाबाट निर्वासित र आफ्नो देशमा कैद २५२ भेनेजुएलाहरूलाई भेनेजुएलामा पठाउने प्रस्ताव गरेका छन्, जसको बदलामा त्यहाँका राजनीतिक कैदीहरूलाई ल्याउने योजना छ।