अमेरिकाले निकारागुआका २५० भन्दा बढी सरकारी अधिकारीमाथि भिसा प्रतिबन्ध लगाउने
प्रकाशित मिति : बैशाख ६, २०८२ शनिबार
अमेरिकाले निकारागुआका राष्ट्रपति डेनियल ओर्टेगाको सरकारका २५० भन्दा बढी अधिकारीमाथि भिसा प्रतिबन्ध लगाउने घोषणा गरेको छ। अमेरिकी विदेशमन्त्री मार्को रुबियोले शुक्रबार यो कदम मानवअधिकार उल्लंघनका कारण चालिएको बताएका छन् ।
रुबियोका अनुसार ओर्टेगाको सरकारमाथि गम्भीर मानवअधिकार उल्लंघन र अपराधको आरोप लागेको छ, जसलाई संयुक्त राष्ट्रसंघले ूकडा समन्वयित दमन प्रणालीू को रूपमा वर्णन गरेको छ। संयुक्त राष्ट्रसंघका विज्ञहरूले ओर्टेगा र उनकी पत्नी रोसारियो मुरिल्लो, जो हालैको संवैधानिक सुधारपछि सह(राष्ट्रपतिका रूपमा कार्यरत छन्, जसले केन्द्रीकृत र दमनकारी शासन निर्माण गरेको बताएका छन्। यस शासनले सरकारका सबै अंगहरूलाई नियन्त्रणमा लिएको छ र पार्टी र राज्यबीचको सीमालाई धमिलो बनाएको राष्ट्रसंघले जनाएको छ।
सन् २०१८ मा निकारागुआमा सरकारविरोधी ठूलो प्रदर्शनहरू भएका थिए, जसमा ओर्टेगाको असहमतिमाथिको दमनले ३५० भन्दा बढी मानिसको मृत्यु भएको थियो। यसले मानवअधिकार उल्लंघनको विषयमा अन्तर्राष्ट्रिय आक्रोश उत्पन्न गरेको थियो। ‘यो नयाँ प्रतिबन्धसँगै अमेरिकी सरकारले ओर्टेगा र मुरिल्लोको शासनका दुई हजारभन्दा बढी अधिकारीमाथि भिसा प्रतिबन्ध लगाएको छ, जसले निकारागुआका जनतालाई आधारभूत स्वतन्त्रताबाट वञ्चित गरेको छ र धेरैलाई निर्वासनमा जान बाध्य पारेको छ’, रुबियोले भने ।
यसैबीच, ओर्टेगाको सरकारले मानवअधिकार उल्लंघन र दमनको आरोपलाई बेवास्ता गर्दै आएको छ । यस्ता आरोपहरू आफूविरुद्धको अन्तर्राष्ट्रिय अभियानको हिस्सा भएको दाबी गरेको छ ।
अर्कोतर्फ, मानवअधिकार विज्ञहरू र वकालतकर्ताहरूले अमेरिकी सरकारको पनि आलोचना गरेका छन्। उनीहरूले विद्यार्थीहरूको भिसा रद्द, विश्वविद्यालयहरूलाई कोषको खतरा, निर्वासन अभियान र गाजामा इजरायलको युद्धलाई अमेरिकी समर्थन जस्ता मुद्दाहरूलाई स्वतन्त्र अभिव्यक्ति, शैक्षिक स्वतन्त्रता र मानवअधिकारमाथिको आक्रमणको रूपमा हेरेका छन् ।