अमेरिकामा विस्कन्सिनको न्यायाधीशमा डेमोक्र्याट्स विजयी, ट्रम्पलाई धक्का
प्रकाशित मिति : चैत्र १९, २०८१ मंगलबार
Trump
अमेरिकाको विस्कन्सिनमा भएको चुनावमा डेमोक्र्याट्स उम्मेदवार न्यायाधीशमा निर्वाचित भएका छन । मतदाताहरूले राज्यको सर्वोच्च अदालतमा डेमोक्र्याट समर्थित न्यायधीशलाई निर्वाचित गरेका हुन ।
अमेरिकी इतिहासको सबैभन्दा महँगो न्यायिक चुनावको रूपमा यो चुनावलाई लिएको छ । डेमोक्रयाट्स समर्थित सुसन क्राफ़ोर्ड ले आफ्नो कन्जरभेटिव प्रतिद्वन्द्वी ब्र्याड शिमेललाई हराएकी हुन ।
यो निर्वाचनले मध्यपश्चिमी राज्यको सर्वोच्च अदालतमा ४ र ३ को लिबरल बहुमतलाई कायम राख्न सफल भएको छ ।
पूर्व राष्ट्रपति डोनाल्ड ट्रम्पका अर्बपति सल्लाहकार एलन मस्क यो चुनावमा प्रमुख दाता रहेका थिए । क्राफ़ोर्डका समर्थकहरूले मस्कको आलोचना गर्ने विज्ञापन प्रसारण गरेका थिए ।
उम्मेदवारहरू र उनीहरूको सहयोगीहरूले १०० मिलियन डलर भन्दा बढी खर्च गरेका देखिएको छ । जसमा मस्कको मात्रै २० मिलियन डलर खर्च भएको छ । तर पनि मस्कले खर्च अनुसारको परिणाम भने प्राप्त गर्न सकेनन ।
क्राफ़ोर्डले लगभग ५५ प्रतिशत र शिमेललाई ४५ प्रतिशत मत प्राप्त भएको छ । पछिल्लो नतिजाले ट्रम्पका लागि विस्कन्सिनमा झट्का दिन सक्ने संभावना देखिएको छ ।
राष्ट्रपति चुनावमा एक महत्वपूर्ण राज्यको रूपमा यो परिचित छ । यो राज्यमा ट्रम्पले १ प्रतिशत भन्दा कम मतले चुनाव जितेका थिए ।
विस्कन्सिनले मतदाताहरूलाई मतदान गर्नका लागि परिचय पत्र अनिवार्य गर्ने संवैधानिक संशोधनमा पनि मत दिइरहेको छ । क्राफ़ोर्डले यो संशोधनको विरोध गरेकी थिइन्।
विस्कन्सिनको सर्वोच्च अदालत ले आगामी दिनमा महत्त्वपूर्ण भूमिका खेल्न सक्ने संभावना छ । गर्भपतन र कांग्रेसको सीमा निर्धारणको सम्बन्धी नियमहरूमा अदालतले महत्वपूर्ण भूमिका निर्वाह गर्न सक्नेछ ।
२०२६ को मध्यावधि चुनाव र २०२८ को राष्ट्रपति चुनावको लागि महत्त्वपूर्ण निर्णयहरूमा यसको भूमिका अहम बनेर जानेछ ।
सोमवारको चुनाव प्रचारमा मस्कले १ मिलियन डलरका दुई चेक मतदातालाई वितरण गरेका थिए ।
जसले चुनावको नतिजामा ठूलो प्रभाव पार्न सक्ने आँकलन गरिएको थियो । तर आँकलन अनुसारको नतिजा भने प्राप्त हुन सकेन ।