कोर्नेल विश्वविद्यालयका विद्यार्थीले किन गरे अमेरिका छोड्ने घोषणा ?
प्रकाशित मिति : चैत्र १८, २०८१ सोमबार
अमेरिकाको कोर्नेल विश्वविद्यालयका एकजना विद्यार्थीले अमेरिका छोड्ने निर्णय गरेका छन ।
इजरायलविरुद्धका गतिविधिमा सम्लग्न भएको भन्दै उनको अमेरिकी भिसा रद्द गरिएपछि विश्वविद्यालयमा स्नातक गर्दै गरेका ती विद्यार्थीले अमेरिका छोड्ने निर्णय लिएका हुन ।
बेलायत र गाम्बियाको संयुक्त नागरिकता राखेका विद्यार्थी मोमोडौ ताललाई ट्रम्प प्रशासनले देश निकाला गर्ने तयारी गरेको थियो । विद्यार्थी तालले निर्वासनलाई रोक्नको लागि मुद्दा दायर गरेका थिए ।
निर्वासन रोक्न तालले गरेको अनुरोधलाई अदालतले अस्वीकार गरेपछि उनले स्वतन्त्र र गर्वका साथ अमेरिका छोड्ने निर्णय गरेको वताएका हुन । ट्रम्प प्रशासनले यस्ता निर्णयलाई स्वनिर्वासन भन्ने गरेको छ ।
ट्रम्प प्रशासनले विश्वविद्यालय क्याम्पसहरूमा इजरायलविरुद्धका विरोधहरुमा सक्रिय रहेका अन्तर्राष्ट्रिय विद्यार्थीहरूप्रति कडा कदम चालेको छ ।
अमेरिकी गृह सुरक्षा विभागबाट निशाना बनाइएका ताल दोस्रो अन्तर्राष्ट्रिय विद्यार्थी हुन् । जसले निर्वासनको लक्ष्य बनाइए पछि अमेरिका छोड्ने निर्णय गरेका छन् ।
ताललाई कोर्नेल विश्वविद्यालयबाट दुई पटक निलम्बित गरिएको थियो । यो विश्वविद्यालय न्यूयोर्कको आइभी लिग स्कूल हो ।
अमेरिकी विदेशमन्त्री मार्को रुबियोका अनुसार कम्तीमा ३०० विश्वविद्यालयका विद्यार्थीहरूलाई प्यालेस्टिनि समर्थक बनेर विरोधमा संलग्न भएकाले विद्यार्थी भिसा रद्ध गरिएको छ ।
ट्रम्पका अधिकारीहरूले आप्रवासन र नागरिकता ऐनले अमेरिकी विदेश नीति र राष्ट्रिय सुरक्षा चासोहरू विरुद्ध काम गर्ने गैरनागरिकहरूको निर्वासन गर्न अनुमति विदेशमन्त्रालयलाई अनुमति दिने बताएका छन ।
यो गिरफ्तारी ट्रम्प प्रशासकले निर्धारित गरेको कार्यकारी आदेशको हिस्सा हो ।