किन दिए मस्कले अमेरिकी मतदातालाई १ मिलियन डलरको चेक ?
प्रकाशित मिति : चैत्र १७, २०८१ आईतबार
अमेरिकी खर्वपति एलन मस्कले विस्कोनसिनका मतदाताहरूलाई १ मिलियन डलरको चेक वितरण गरेका छन् ।
राज्यको सुप्रीम कोर्टले हस्तक्षेप नगर्ने निर्णय गरेपछि उनले चेक हस्तान्तरण गरेका हुन । मस्कले यो पुरस्कार यसै हप्ता घोषणा गरेका थिए ।
विस्कोनसिनका एटर्नी जनरल र डेमोक्र्याट जोश कौलले यो चेक वितरण रोक्नको लागि मुद्दा दायर गरेका थिए ।
मस्कले राज्यको कानून उल्लङ्घन गर्दै मतको बदला उपहार दिइरहेका छन् । जुन राज्यमा मतको लागि उपहार दिने कुरा प्रतिबन्धित छ त्यही राज्यमा मस्कले कानून नमानिरहेको देखिएको छ ।
यो चुनावले राज्यको सुप्रीम कोर्टलाई रिपब्लिकन पार्टीको पक्षमा परिवर्तन गर्न सक्ने सम्भावना छ । यो अमेरिकी इतिहासको सबैभन्दा महँगो न्यायिक चुनाव बन्न लागेको देखिएको छ ।
आइतबारराति र्यालीमा बोल्दै मस्कले न्यायधीशलाई न्यायाधीश बनाउने बताए । मस्क र राष्ट्रपति डोनाल्ड ट्रम्पले रूढीवादी उम्मेदवार, वौकेशा काउन्टीका न्यायाधीश ब्र्याड शिमेलको समर्थन गरेका छन् ।
उदारवादी झुकाव भएको अदालतलाई परिवर्तन गर्ने आशा उनीहरुले राखेका छन्। न्यायाधीश शिमेलले डेन काउन्टीकी न्यायाधीश सुजन क्राफर्डसँग प्रतिस्पर्धा गर्ने छन ।
उनलाई राज्यको सुप्रीम कोर्टका उदारवादी न्यायधीशहरूले समेत समर्थन गरेका छन् । यो चुनावले गर्भपतन अधिकार, कांग्रेसको पुनःसीमांकन, र मतदानका नियमहरू जस्ता महत्वपूर्ण मुद्दाहरूको विषयमा अदालतको निर्णयलाई प्रभाव पार्न सक्ने देखिन्छ ।
यसले २०२६ को मध्यावधि चुनावलाई पनि प्रभावित गर्न सक्छ ।