बङ्गलादेशद्वारा अमेरिकी गुप्तचर प्रमुखको आलोचना, साम्प्रदायिक तनाव भड्काउने टिप्पणी गरेको आरोप
प्रकाशित मिति : चैत्र ५, २०८१ मंगलबार
बङ्गलादेशले अमेरिकी गुप्तचर प्रमुखको आलोचना गरेको छ । दक्षिण एशियाली देशमा धार्मिक हिंसासम्बन्धी आधारहीन र साम्प्रदायिक तनाव भड्काउने टिप्पणी गरेको भन्दै बंगलादेशले गुप्तचर प्रमुख तुलसी गबार्डको आलोचना गरेको हो ।
गबार्ड यस हप्ता भारतको कूटनीतिक भ्रमणका लागि आएका थिए । भारतसँग बङ्गलादेशको सम्बन्ध गत वर्ष विद्यार्थी नेतृत्वको विद्रोहले सरकारलाई अपदस्थ गरेपछि बिग्रिएको छ ।
भारतले आफ्नो मुस्लिम बहुल छिमेकीलाई आफ्ना अल्पसङ्ख्यक हिन्दू नागरिकहरूको पर्याप्त सुरक्षा गर्न असफल भएको बारम्बार आरोप लगाउदै आएकोछ ।
उक्त आरोपहरू अहिले सत्तामा रहेको अन्तरिम प्रशासनले अस्वीकार गरेको छ ।
तर गबार्डले टेलिभिजन अन्र्तवार्तामा बंगलादेशमा लामो समयदेखि धार्मिक अल्पसङ्ख्यकहरूको दुर्भाग्यपूर्ण उत्पीडन, हत्या र दुर्व्यवहार अमेरिकी सरकारका लागि चिन्ताको प्रमुख क्षेत्र बताएका थिए ।
उनले यो मुद्दा इस्लामवादी चरमपन्थसँगै ‘चिन्ताको केन्द्रविन्दु क्षेत्र बनेको र ट्रम्प प्रशासनले पहिले नै बङ्गलादेशी सरकारसँग यी मुद्दाहरू उठाएको बताएका थिए ।
बङ्गलादेशले जवाफ दिँदै गबार्डका टिप्पणीहरू देशको छवि र प्रतिष्ठामाका लागि ‘भ्रामक’ र ‘हानिकारक’ दुवै भएको बताएको छ ।
बङ्गलादेशको १७ करोड जनसङ्ख्याको करिब लगभग आठ प्रतिशत हिन्दूहरू छन् ।
अन्तरिम सरकारले भारतको सञ्चार माध्यम र सरकारलाई बङ्गलादेशी हिन्दूहरूलाई खतराहरू बढाएर देखाउने भ्रामक सूचनाहरू फैलाएको आरोप पनि लगाएको छ ।