प्यालेस्टिनीलाई देश निकाला नगरिने ट्रम्पको आश्वासन
प्रकाशित मिति : फाल्गुन २९, २०८१ बिहीबार
Palestinians walk on a dirt road lined with building rubble in the Shujaiya neighbourhood of Gaza City on October 7, 2024, on the first anniversary of the ongoing war in the Gaza Strip between Israel and the Palestinian Hamas group. (Photo by Omar AL-QATTAA / AFP)
अमेरिकी राष्ट्रपति डोनाल्ड ट्रम्पले प्यालेस्टिनीलाई ‘देश निकाला नगर्ने’ बताएका छन ।
पत्रकारको प्रश्नको जवाफ दिदै ट्रम्पले कसैले पनि प्यालेस्टिनीलाई देश निकाला गर्दैन भनेका छन ।
अमेरिका र कतारसँगै हमास र इजरायलबीचको युद्धविराम वार्तामा मध्यस्थता गरिरहेको इजिप्टले ‘गाजा क्षेत्रका बासिन्दाहरूलाई वस्ती छोड्न माग नगर्ने अमेरिकी राष्ट्रपति ट्रम्पको वक्तव्यको प्रशंसा गरेको छ ।
इजिप्ट, जोर्डन, हमास र प्यालेस्टाइन लिबरेशन अर्गनाइजेसन पिएलओ ले अमेरिकी राष्ट्रपति डोनाल्ड ट्रम्पले गाजाबाट ‘कसैले पनि प्यालेस्टिनीलाई देश निकाला नगर्ने’ बताएको भन्दै यसको स्वागत गरेका छन् । यसअघि ट्रम्पले गाजाबाट प्यालेष्टिनीहरुलाई हटाउनु पर्ने बताएका थिए ।
जोर्डनले ‘अमेरिकी राष्ट्रपतिको बुधबारको टिप्पणी’ को स्वागत गर्दै दुई–राज्य प्यालेस्टिनी र इजरायली समाधान र ‘न्यायपूर्ण तथा दिगो शान्ति हासिल गर्ने महत्वलाई जोड दिएको छ।
इजरायली प्रधानमन्त्री बेन्जामिन नेतन्याहूको नेतृत्वमा रहेको सरकारले प्यालेस्टिनी राज्यको दर्जा अस्वीकार गरेको छ ।
नेतन्याहूको भ्रमणका क्रममा ट्रम्पले युद्धग्रस्त गाजाबाट २० लाखभन्दा बढी पालेस्टिनीलाई विस्थापित गर्ने विचार अघि सारेका थिए ।
इजिप्ट र जोर्डनले उक्त प्रस्ताव अस्वीकार गरेपछि ट्रम्पले उक्त योजनालाई ‘जबरजस्ती नगर्ने’ बताएका थिए ।