शान्ति वार्ता गर्न अमेरिकी टोली मस्को पुग्यो, रुस सहमत हुने ट्रम्पको अपेक्षा
प्रकाशित मिति : फाल्गुन २९, २०८१ बिहीबार
रुससँग शान्ति वार्ता गर्न अमेरिकी टोली मस्को पुगेको छ । अमेरिकी राष्ट्रपति डोनाल्ड ट्रम्पले शान्ति वार्ता टोली मस्को पुगेको बताएका छन । तर वार्ता टोलीमा को को सहभागि छन भनेर उनले केहि बनाएका छैनन ।
शान्ति वार्ता टोलीले रुसलाई शान्ति वार्ताका लागि सहमत गराउन प्रयास गर्नेछ । युक्रेनसँग साउदी अरबको जेद्धा शहरमा भएको वार्ताबाट अमेरिकाले युक्रेनलाई ३० दिने युद्धविरामका लागि तयार गराएको थियो ।
युक्रेन सहमत भएको अमेरिकी प्रस्तावमा रुस सहमत भएमा तत्काल युद्धविराम हुनेछ । अन्यथा रुसलाई वार्ताका लागि बाध्य बनाउन रुसविरुद्ध थप प्रतिबन्ध घोषणा गर्ने अमेरिकाले तयारी गरेको छ ।
युक्रेनी राष्ट्रपति भोलोदिमिर जेलेन्स्कीले युद्धविरामका लागि रुसलाई सहमत गराउने पूर्ण जिम्मेवारी अमेरिकाको रहेको बताएका छन । ट्रम्पको दोस्रो कार्यकालको सुरुवातसँगै देखिएको युक्रेन अमेरिकाबीचको असहज परिस्थिती पछिल्लो वार्तासँगै सामान्य बनेको छ ।
युक्रेनलाई दिदै आएको सैन्य र गुप्तचर सहयोग पुनसुचारु गर्न अमेरिका तयार भएको छ ।
रुससँग शान्ति वार्ता अस्वीकार गर्ने र शान्तिको प्रयासबाट पछि हट्ने विकल्प नरहेको अमेरिकाले बताएको छ ।
शान्ति रुसलाई पनि चाहिएको छ, शान्ति भएन र युद्ध जारी रहयो भने युक्रेनलाई मात्र होइन रुसलाई पनि उत्तिकै क्षति पुग्छ भन्नेमा राष्ट्रपति पुटिन पनि जानकार रहेको राष्ट्रपति ट्रम्पले बताएका छन ।