सुनामीमा ज्यान गुमाएका २ लाखलाई सम्झिदै इन्डोनेसियादेखि सोमालियासम्म प्रार्थना
प्रकाशित मिति : पुस ११, २०८१ बिहीबार
दुई दशकअघि हिन्द महासागरको तटीय क्षेत्रमा आएको सुनामीका कारण ज्यान गुमाएका २ लाख २० हजार व्यक्तिको सम्झनामा विहिबार प्रार्थना गरिएको छ ।
सन् २००४ डिसेम्बर २६ मा इन्डोनेसियाको पश्चिमी भागमा ९.१ म्याग्निच्युडको भूकम्प गएको थियो । भूकम्पका कारण इन्डोनेसियादेखि सोमालियासम्मका १४ देशका समुद्री तटमा ३० मिटर अग्ला सामुद्रिक छाल उत्पन्न गरेको थियो ।
सुनामी आउने बेला हजारौं अमेरिकी, युरोपेली र अस्ट्रेलियाली पर्यटकहरू क्रिसमसको समयमा इन्डोनेसिया, थाइल्यान्ड र श्रीलङ्काको समुद्रकिनारमा छुट्टि मनाइरहेका थिए ।
इन्डोनेसियाको आचेह प्रान्तमा एक लाखभन्दा बढी मानिसको मृत्यु भएको थियो । श्रीलङ्का, भारत र थाइल्यान्डलगायत यस क्षेत्रका देशहरुमा साइरन बजेको केही घन्टामा सुनामी आएको थियो ।
करिब ४६ हजार मानिस गाडिएको आचेहको सिरोन सामूहिक चिहानमा भावनात्मक रूपमा आफन्तहरूले त्यहाँ हुर्केका रूखहरूको छायाँमा इस्लामिक प्रार्थनाहरू पाठ गरेका थिए ।
पाँच हजारभन्दा बढी मृतकमध्ये आधा विदेशी पर्यटकहरू रहेको थाइल्यान्डमा यसको सबैभन्दा बढी प्रभावित गाउँ बान नाम खेममा स्मारकहरू चाँडै सुरु भएको थियो ।
विश्वव्यापी विपद् डाटाबेस इएम–डिएटीका अनुसार सुनामीका कारण कुल २ लाख २६ हजार ४०८ जनाको मृत्यु भएको थियो । १२ देशका करोडौ मानिस विस्थापीत भएका थिए ।
जुन आधुनिक इतिहासका सबैभन्दा घातक प्राकृतिक प्रकोपहरू मध्ये एक मानिन्छ। बक्सिङ डे भूकम्प संसारका सबैभन्दा ठूलो भूकम्पहरू मध्ये एक थियो।
सूनामीले सोमालिया देखि श्रीलङ्का सम्मका समुद्रकिनारलाई असर पुराएको थियो । बाँचेकाहरुलाई घरविहिन बनाएको थियो ।
यो त्रासदीले इतिहासकै सबैभन्दा ठूलो अन्तर्राष्ट्रिय आपतकालीन अबस्था निम्त्याएको मानवतावादी सहायता एजेन्सी युनिसेफले बताएको छ ।
उत्तर क्यारोलिना विश्वविद्यालयका समाजशास्त्री एलिजाबेथ फ्रांकेनबर्गको नेतृत्वमा गरिएको पाँच वर्षे अध्ययनले धेरै अनाथ किशोरहरूले चाँडै वयस्क बन्नु परेको,केटाहरू स्कूलबाट बाहिर जानु परेको र केटीहरूलाई घरेलु जिम्मेवारी दिइएको देखाएको छ ।