ह्यारिसले चुनाव जीते विश्व युद्धमा धकेलिने ट्रम्पको दावी
प्रकाशित मिति : कार्तिक १४, २०८१ बुधबार
Republican presidential nominee former President Donald Trump speaks during a campaign rally at Thomas & Mack Center, Thursday, Oct. 24, 2024, in Las Vegas. (AP Photo/Alex Brandon)
अमेरिकामा राष्ट्रपति पदका रिपब्लिकन उम्मेदवार डोनाल्ड ट्रंपले कमला ह्यारिसले चुनाव जीतेमा विश्वयुद्ध हुने चेतावनी दिनुभएको छ ।
आफ्ना समर्थकहरूलाई सम्बोधन गर्दै ट्रंपले भन्नुभयो यदि ह्यारिसले जितिन् भने तेस्रो विश्वयुद्ध हुनेछ र त्यो युद्धमा लाखौं मानिसको मृत्यु हुनेछ । उहाँले किन तेश्रो विश्वयुद्ध हुने छ भनेर प्रष्ट भने पार्नुभएन ।
ह्यारिस पूर्ण रूपमा अक्षम रहेको भन्दै ट्रम्पले अमेरिकाको राष्ट्रपति बन्न लायक नरहेको उहाँको आरोप छ । आफ्नो प्रतिस्पर्धीमाथि आक्रामक अभिव्यक्ति दिदै उहाँले सबैले थाहा पाएका छन् कि ह्यारिस पूर्ण रूपमा अयोग्य छिन भन्ने बताउनु भयो ।
कसैले पनि उनको सम्मान गर्दैन, कसैले पनि उनीमाथि विश्वास गर्दैन, र कसैले पनि उनलाई गम्भीरतापूर्वक लिँदैन ट्रम्पको ह्यारिसप्रतिको तिखो टिप्पणी थियो ।
यसअघि राष्ट्रपतिको लागि डेमोक्र्याटिक पार्टीकी उम्मेदवार तथा वर्तमान उपराष्ट्रपति कमला ह्यारिसले ट्रंपप्रति टिप्पणी गर्दै अमेरिकी नागरिकलाई विभाजित गर्न चाहेको आरोप लगाउनु भएको थियो ।
ट्रम्प डराउँने व्यक्ति भएकाले उनले नागरिकलाई विभाजित गर्न खोजिरहेका छन ह्यारिसले भन्नुभएको थियो । आफु अमेरिका र अमेरिकनलाई जोड्नसक्ने क्षमता भएको व्यक्ति भएको ह्यारिसले बताउदै आउनु भएको छ ।