नेपालमा विद्युत : हिउँदमा किन्ने , अरुबेला बेच्ने , आम्दानी १२ करोड
प्रकाशित मिति : श्रावण १३, २०८१ आईतबार
नेपालले १६ अर्ब ९३ करोड बराबरको विद्युत् भारतलाई बचेको छ । आर्थिक वर्ष २०८०।८१ मा नेपाल विद्युत् प्राधिकरणले १६ अर्ब ९३ करोड २६ लाख आम्दानी गरेको हो ।
प्राधिकरणले १ अर्ब ९४ करोड २६ लाख युनिट विद्युत् भारतर्फ निर्यात गर्दा उक्त परिमाणको आम्दानी भएको हो ।
निर्यात गरिएको विद्युतको औसत दर प्रतियुनिट ८ रुपैयाँ ७२ पैसा छ । प्राधिकरणले गत आर्थिक बर्षमा १६ अर्ब ८१ करोड तीन लाखको विद्युत् आयात गरेको जनाएको छ ।
सुक्खायाममा खोला तथा नदीहरुमा पानीको बहाव घटी देशभित्रका नदी प्रवाही जलविद्युत्गृहबाट विद्युत् उत्पादन घट्ने हुँदा माग धान्न गत आर्थिक बर्षमा भारतबाट १ अर्ब ८३ करोड ३५ लाख युनिट विद्युत् आयात गरिएको हो ।
हिउँदयाममा आयात गरिएको विद्युतको औसत दर प्रतियुनिट ९ रुपैयाँ १७ पैसा छ ।
ऊर्जाका आधारमा आयातभन्दा १० करोड ९१ लाख लाख युनिट बढी विद्युत् निर्यात भएको हो ।
निर्यात गरिएको परिमाण आयातभन्दा बढी भएकाले भारतीय प्रतिस्पर्धी बजारमा प्रवेश पाएको ३ वर्षमा नै नेपाल विद्युतको खुद निर्यातकर्ता बनेको छ ।
प्राधिकरणका कार्यकारी निर्देशक कुलमान घिसिङले आगामी केही वर्ष अझै हिउँदका केही महिनाको आन्तरिक माग व्यवस्थापन गर्न विद्युत आयात गर्नु परेपनि निर्यातको परिमाण बढ्दै जाने बताउनुहुन्छ ।
नेपालले भारतको इनर्जी एक्सेचेन्जको डे अहेड मार्केटमा सन् २०२१ मे १ मा प्रवेश पाएको थियो । सुरुमा विद्युत आयात अनुमति पाएको नेपालले सन् २०२१ नोभेम्बर ३ मा निर्यातकर्ताका रुपमा पनि प्रवेश पाएको थियो ।