अमेरिकी नागरिकका अविवाहित छोराछोरीहरुले ग्रिनकार्ड पाउन लाग्ने अवधि ८ बर्ष ७ महिना
प्रकाशित मिति : असार ३१, २०८० आईतबार
अमेरिकाको ग्रिनकार्ड
यदि तपाईले आफ्ना परिवारका सदस्यहरुका लागि परिवारमा आधारित ग्रिनकार्ड फाइल गर्नुभएको छ र तपाईको आवेदन युएसीआईएसबाट स्वीकृत भएर नेशनल भिसा सेन्टरमा भिसा करेन्ट हुनका लागि प्रतिक्षारत छ भने तपाईलाई अझै कतै समय लाग्ला भनेर उत्सुकता हुनसक्छ । अगस्तका लागि जारी भिसा बुलेटिनले यसको जवाफ दिएको छ ।
अगस्तको भिसा बुलेटिन अनुशार अमेरिकी नागरिकका अविवाहित छोराछोरीहरुले ग्रिनकार्ड पाउनका लागि लाग्ने अवधि ८ बर्ष ७ महिना रहेको छ । यदि तपाईको आई १३० आवेदन युएससीआईएसबाट स्वीकृत भएर नेशनल भिसा सेन्टरमा पुगेको छ भने १ सेप्टेम्बर २०१७ भन्दा अगाडि प्राथमिकता मिति भएको आवेदनलाई अगस्तमा नेशनल भिसा सेन्टरले अगाडि बढाउनेछ ।
अमेरिकी ग्रिनकार्डवाहकका २१ बर्ष नपुगेका छोराछोरी र दम्पत्तिका सन्दर्भमा भने अगस्तमा पनि भिसा करेन्ट रहेको छ । नेशनल भिसा सेन्टरले कुनै समय प्रतिक्षा नगरी भिसा प्रकृया अगाडि बढाउनेछ भने अमेरिकाभित्रै हुनेहरुका सन्दर्भमा पनि युएससीआईएसले कुनै समय प्रतिक्षा नगरी सरासर ग्रिनकार्डको प्रकृया अगाडि बढाउनेछ । यद्यपी अमेरिकी ग्रिनकार्डवाहकका २१ बर्ष नपुगेका छोराछोरी र दम्पत्तिका सन्दर्भमा पनि ग्रिनकार्ड पाउने लाग्ने अवधि अगस्तमा ५ बर्ष १० महिना रहेको छ ।
तर ग्रिनकार्डवाहकका २१ बर्ष नाघेका अविवाहित छोराछोरीका लागि भने प्रतिक्षा अवधि लामो रहेको छ । उनीहरुका लागि ग्रिनकार्ड पाउने लाग्ने अवधि ७ बर्ष ११ महिना रहेको छ । यदि तपाईको आई १३० आवेदन युएससीआईएसबाट स्वीकृत भएर नेशनल भिसा सेन्टरमा पुगेको छ भने १ जनवरी २०१७ भन्दा अगाडि प्राथमिकता मिति भएको आवेदनलाई अगस्तमा नेशनल भिसा सेन्टरले अगाडि बढाउनेछ ।
अमेरिकी नागरिकका विवाहित छोराछोरीका लागि पनि ग्रिनकार्ड पाउने लाग्ने अवधि निकै लामो छ । अगस्तको भिसा बुलेटिन अनुशार यो अवधि १४ बर्ष ८ महिना रहेको छ । यदि तपाईको आई १३० आवेदन युएससीआईएसबाट स्वीकृत भएर नेशनल भिसा सेन्टरमा पुगेको छ भने १ मार्च २०१० भन्दा अगाडि प्राथमिकता मिति भएको आवेदनलाई अगस्तमा नेशनल भिसा सेन्टरले अगाडि बढाउनेछ ।
अमेरिकी नागरिकका दाजुभाई दिदीबहिनीहरुका लागि ग्रिनकार्ड पाउन लाग्ने अवधि १६ बर्ष ४ महिना रहेको छ । यदि तपाईको आई १३० आवेदन युएससीआईएसबाट स्वीकृत भएर नेशनल भिसा सेन्टरमा पुगेको छ भने १ मार्च २००८ भन्दा अगाडि प्राथमिकता मिति भएको आवेदनलाई अगस्तमा नेशनल भिसा सेन्टरले अगाडि बढाउनेछ ।
अमेरिकाभित्रै हुनेहरुका सन्दर्भमा भने १ सेप्टेम्बर २०१७ भन्दा अगाडि प्राथमिकता मिति हुने अमेरिकी नागरिकका अविवाहित छोराछोरीहरु, १ जनवरी २०१७ भन्दा अगाडि प्राथमिकता मिति हुने ग्रिनकार्डवाहकका २१ बर्ष नाघेका अविवाहित छोराछोरीहरु, १ मार्च २०१० भन्दा अगाडि प्राथमिकता मिति हुने अमेरिकी नागरिकका विवाहित छोराछोरी र १ मार्च २००८ भन्दा अगाडि प्राथमिकता हुने अमेरिकी नागरिकका दाजुभाई दिदीबहिनीहरुले अगस्तमा ग्रिनकार्ड आवेदन आई ४८५ फाइल गर्न सक्नेछन् ।