सर्वेक्षणमा अधिकांश मतदाता भन्छन्-‘बाइडेनले आप्रवासी मुद्दाहरूलाई बेवास्ता गरिरहेका छन्’
प्रकाशित मिति : बैशाख ७, २०८० बिहीबार
राष्ट्रपति जो बाइडेनले आप्रवासी मुद्दाहरूलाई बेवास्ता गरिरहेको र यी मुद्दाको बारेमा पर्याप्त कुरा नगरेको मतदाताहरूले डेमोक्रेटिक पोलिंग फर्मको नयाँ सर्वेक्षणमा बताएका छन् । सात प्रमुख ब्याटलग्राउण्ड राज्यका ५८ प्रतिशत मतदाताले राष्ट्रपतिले आप्रवासनलाई सम्हालेको तरिकालाई अस्वीकार गरेका छन् ।
ग्लोबल स्ट्राटेजी ग्रुपको नयाँ स्विङ स्टेट पोल अनुसारबाइडेनले आप्रवासनको विषय सम्हालेको तरिकालाई अनुमोदन गर्नेहरु जम्मा ३२ प्रतिशत रहेका छन् । सर्वेक्षणमा अधिकांश मतदाताहरू अर्थात् ५२ प्रतिशतले बाइडेनले सीमामा समस्याहरूलाई बेवास्ता गरिरहेको विश्वास गरेका छन् भने ५० प्रतिशतले राष्ट्रपतिले कागजातविहीन आप्रवासीहरूको वरपरको अवस्थालाई बेवास्ता गरिरहेको बताएका छन् ।
रिपब्लिकनहरूले डेमोक्र्याटहरू भन्दा अध्यागमनको बारेमा बढी कुरा गरको र उनीहरूलाई यो मुद्दा ह्यान्डल गर्न बढी विश्वास गरिने सर्वेक्षणले देखाएको छ । दुबै पार्टीहरूले आप्रवासनलाई कसरी ह्यान्डल गरिरहेका छन् भन्नेबारे कम अंक पाएका छन् । तर डेमोक्र्याटहरूले ठूलो आलोचनाको सामना गर्नुपरेको छ किनभने मतदाताहरूलाई थाहा छैन कि पार्टी यो मुद्दामा कहाँ छ। ३९ प्रतिशत मतदाताले अध्यागमन मुद्दामा बाइडेन र डेमोक्र्याटलाई बढी विश्वास गरेका छन् भने ४७ प्रतिशतले रिपब्लिकन सांसदहरूलाई बढी विश्वास गरेका छन् ।
नयाँ सर्वेक्षण आप्रवासी वकालत समूह इमिग्रेसन हब र ल्याटिनो मतदाता मतदानमा केन्द्रित राजनीतिक संगठन भोटो ल्याटिनोको तर्फबाट सञ्चालन गरिएको हो । बाइडेन प्रशासनले टाइटल ४२ लाई समाप्त गर्ने योजना बनाएको तीन हप्ता अघि यो सर्वेक्षण आएको छ । बाइडेन प्रशासनका अधिकारीहरूले अर्को महिना नीतिको म्याद सकिएपछि सीमामा आप्रवासीको संख्या वृद्धि हुने डर छ । साथै बाइडेन प्रशासनले राजनीतिक र आर्थिक उथलपुथलबाट भागेका आप्रवासीहरूको रेकर्ड संख्यालाई कम गर्न थप प्रतिबन्धात्मक उपायहरू अपनाएको छ ।