बेलारुसमा अलपत्र नौ नेपाली महिलालाई स्वदेश फर्काइयो
प्रकाशित मिति : चैत्र १०, २०७९ शुक्रबार
???????? ???? ??????? ??? ??????? ???????? ?????? ???????? ?????? ??????? ?? ??? ???????? ???????? ??????????????? ??????????? ? ??????? ?????????? ????? / ????
बेलारुसमा अलपत्र नौ नेपाली महिलालाई आज स्वदेश फर्काइएको छ । नेकपा (एकीकृत समाजवादी) केन्द्रीय प्रचार विभाग सदस्य कृतु भण्डारीले आज त्रिभुवन अन्तर्राष्ट्रिय विमानस्थलमा पत्रकार सम्मेलनको आयोजना गरी ललाइफकाई बेलारुस पु¥याई अलपत्र पारिएका नौ जना महिलालाई स्वदेश फर्काइएको जानकारी दिनुभयो ।
उहाँका अनुसार नेपाल फर्काइएका महिलामा सानुमाया तामाङ, कविता थापा मगर, अञ्जना मगर, रत्नमाया राई, पार्वती कितुङ, रमिता राई, सुस्मा तामाङ, मीना गुरुङ र मार्फा सोताङ राई रहेका छन् । पीडित महिलालाई विभिन्न सङ्घसंस्थाको सहयोगमा नेपाल फर्काइएको र उनीहरूले टिकटक लाइभमा आएर नेपाल फर्काइदिन आग्रह गरेपछि स्वदेश फर्काउने प्रयास भएको भण्डारीले बताउनुभयो ।
पत्रकार सम्मेलनमा एकीकृत समाजवादीकी सांसद जयन्तीदेवी राईले नेपाल फर्किएका नौ दिदीबहिनीलाई अब बलियो आत्मविश्वास बनाएर अघि बढ्न सुझाव दिनुका साथै विदेशमा पु¥याई अलपत्र बनाउनेलाई सरकारले कारबाही गर्ने आश्वासन दिनुभयो । उहाँले भन्नुभयो, “तपाईंहरू नेपाल फर्किनुभएको छ, अब कुनै हौसला, आँट र आत्मविश्वास नगुमाई काम गर्नुहोला, तपाईंहरूलाई हामी न्याय दिलाउने छौँ, अपराधीलाई कारबाही गराउन पहल गर्नेछौँ ।”
अल्पत्र अवस्थाबाट स्वदेश फर्काइएका मध्येकी एक पीडित सानुमाया तामाङले बेलारुसमा आफूहरूले दैनिक १२ घण्टा काम गर्नुपरेको र भनेको पारिश्रमिक नदिएको तथा पीडा दिने गरेको दुःखेसो पोख्नुभयो । उहाँले नेपालबाट जाँदा एजेन्टले डलरमा पैसा दिने भने पनि बेलारुसमा गएपछि बेलारुसी रुबेल रु ७५ दैनिक दिने गरेको जानकारी दिनुभयो ।
रोजगारका लागि बेलारुस गएर अल्पत्र अवस्थामा परेपछी शुक्रबार स्वदेश फकाईएका नौ जना महिलाहरु त्रिभुवन अन्तर्राष्ट्रिय विमानस्थलमा । तस्बिरः विमलबहादुर विष्ट / रासस