प्रधानमन्त्री दाहाललाई अमेरिकाको बधाई: ‘नेपालको लोकतन्त्रप्रतिको प्रतिबद्धता विश्वका लागि उदाहरण’
प्रकाशित मिति : पुस १२, २०७९ मंगलबार
(221226) — KATHMANDU, Dec. 26, 2022 (Xinhua) — Nepal’s new prime minister Pushpa Kamal Dahal attends an oath-taking ceremony at the President’s Office in Kathmandu, Nepal, Dec. 26, 2022. Pushpa Kamal Dahal, chairman of the Communist Party of Nepal (Maoist Center), took office as the country’s new prime minister on Monday afternoon. (Photo by Sulav Shrestha/Xinhua)
संयुक्त राज्य अमेरिकाले नवनियुक्त प्रधानमन्त्री पुष्पकमल दाहाल ‘प्रचण्ड’ र उहाँको गठबन्धनलाई नेपालको सङ्घीय निर्वाचनमा विजयी भएकामा बधाई दिएको छ । अमेरिकी विदेशमन्त्री एन्टोनी ब्लींकेनले एक विज्ञप्तीमार्फत बधाई दिएका हुन् ।
अमेरिकाले नेपालसँग सुदृढ र लामो समयदेखिको सम्बन्ध भएकामा गर्व गर्दै दीगो आर्थिक वृद्धि हासिल गर्न र लोकतन्त्र तथा मानवाधिकारको सुदृढीकरणजस्ता द्विपक्षीय, क्षेत्रीय र विश्वव्यापी महत्वका मुद्दाको प्रवद्र्धन गर्न नेपाल सरकारसँगै रहेको उल्लेख गरेको छ ।
नेपालको लोकतन्त्रप्रतिको प्रतिबद्धता विश्वभरका लागि उदाहरण भएको उल्लेख गर्दै ब्लींकेनले यसको प्रशंसा गरेका छन् । साथै नेपालले आफ्नो लोकतान्त्रिक परम्परालाई अझ गहिरो बनाउन जारी राख्ने उल्लेख गर्दै अमेरिकाले सहयोग गर्न तत्पर रहेको उनले बताएका छन् ।
