आफूले कोरोनालाई जीतेपछि अस्पतालमा बिरामीको परीक्षणका लागि फर्किए रायन
प्रकाशित मिति : बैशाख ८, २०७७ सोमबार
न्युयोर्कको ब्रुकलिनमा रहेको अमेरिकी सरकारको डिपार्टमेन्ट अफ भेटेरान अफेयर्समामा मेडिकल ल्याब बैज्ञानिकका रुपमा कार्यरत रायन लाम्गादे कोरोनालाई जीतेपछि काममा फर्किएका छन् । मार्चको अन्तिमसातादेखि कोरोनाले थलिएका उनी अप्रिलको दोश्रोसाता पूर्णरुपमा निको भएका थिए । अप्रिल ६ मा उनलाई कोरोना संक्रमण भएको ल्याब रिपोर्ट आएको थियो ।
विगत १७ बर्षदेखि अमेरिकाको न्युयोर्कमा बस्दै आएका र झण्डै ७ बर्षदेखि स्वास्थ्य क्षेत्रमा काम गर्दै आएका ४४ बर्षीय लाम्गादे बु्रकलिनको माउन्ट साइनाई हस्पिटल र न्युयोर्कको नर्थशोर युनिभर्सिटी हस्पिटलमा समेत ल्याब टेक्नोलोजिस्ट र मेडिकल टेक्नोलोजिस्टका रुपमा कार्यरत छन् ।
यी अस्पतालबा ल्याबमा अहिलेसम्म कोरोना परीक्षण सुरु गरिएको नभएतापनि आगामी सातादेखि भने कोरोना परीक्षणको तयारी भइरहेको छ । सबै अस्पतालमा कोरोना परीक्षणका ल्याब तयार गर्नुपर्ने निर्देशन भएपछि केहीदिनपछि नै यी अस्पतालमा पनि कोरोना परीक्षण ल्याब संचालन हुनेछन् भने रायन आफैले आफैलाई आक्रमण गरेको भाइरसको परीक्षण गरिरहेका हुनेछन् ।
‘६ बर्षकी छोरीको प्राथना सुनेपछि लाग्यो – म बाँच्नुपर्छ’: कोरोनालाई जितेका न्युयोर्कका रायन
उच्च आत्मबलले भाइरसलाई पराजित गरेर अहिले उनी उच्च आत्मबलका साथ काममा फर्किएको बताएका छन् । उनी अस्पतालमा नै भर्ना नभई घरमा नै आइसोलेसनमा बसेर कोरोना भाइरसलाई पराजित गरेका थिए ।
नेपालको शोलुखुम्बुमा जन्मिएका ४४ बर्षीय रायन श्रीमति र दुईछोरीका साथमा न्युयोर्कको लङ आइल्याण्डको न्यु हाइडपार्कमा बस्दै आएका छन् ।
