नेपालबारे प्रकाशित यो समाचारको सन्दर्भ उल्लेख गर्दै न्युयोर्कमा मेयरले गरे ट्रम्पको आलोचना

ट्रम्पको गर्भपतनविरोधी नीतिले नेपालका महिलामा नकारात्मक अवस्था सृजना भएको समाचारबारे न्युयोर्कका मेयर बिल ब्लाजिओको ध्यानाकर्षण भएको छ । उनले आफ्नो सामाजिक सञ्जालमा उक्त समाचार शेयर गर्दै अमेरिकी राष्ट्रपति डोनाल्ड ट्रम्पको आलोचना गरेका छन् ।

सिमान्तकृत समुदायलाई उपेक्षा गरिएको भन्दै ब्लाजिओले ट्रम्प प्रशासनको आलोचना गरेका छन् । उनले भनेका छन् – ‘जसलाई यसको सबैभन्दा धेरै आवश्यकता छ, उनीहरुलाई दिने सहयोगमा कटौती गरेर ट्रम्पले विश्वभरका महिलाको जीवनलाई खतरामा पारेका छन् ।’


केहीदिन अगाडि बजफिडमा प्रकाशित समाचारमा अमेरिकी राष्ट्रपति ट्रम्पले गर्भपतनबारे जनचेतना जगाउने तथा त्यसक्षेत्रमा काम गर्ने गैरनाफामुलक संस्थाहरुलाई अमेरिकी सहायतामा रोक लगाउँदा त्यसबाट नेपाली महिलामा परेको असरबारे उल्लेख गरिएको छ । स्वास्थ्य क्षेत्र अमेरिकी सहायतामा भरपर्ने नेपालजस्तो मुलुकका लागि यसबाट पर्ने असर विकराल रहेको समाचारमा जनाइएको छ ।

केहीदिन अगाडिमात्र अमेरिकी सरकारले नेपाललाई दिइएको सहायता रकममा एक डलर पनि नघटाइएको बताएको थियो । बरु नेपालमा परिवार नियोजन सम्बन्धि कार्यक्रममा लागि ट्रम्पले कार्यभार सम्हालेको विगत ३ बर्षमा करिब ५० लाख बृद्धि गरेको जनाएको थियो ।

नेपालस्थित अमेरिकी मिसनले भनेको थियो – ‘युएसएआईडीको सहायतामार्फत नेपाल सरकारलाई प्रजनन स्वास्थ्य सेवालाई नेपालभर संस्थागत गर्न र स्थानीय स्वास्थ्यकर्मीलाई तालिम प्रदान गर्न सहयोग पुगेको छ । सरकारद्वारा प्रदान गरिएको निस्शुल्क जनसेवालाई नेपाली निजी क्षेत्रद्वारा प्रदान गरिने सेवाले थप सहयोग पुर्‍याएको छ ।’

नेपालस्थित अमेरिकी मिसनले सन् १९५० को दशकदेखि नेपालको स्वास्थ्य क्षेत्रमा साझेदारी र कार्यक्रम सञ्‍चालन गर्दै आएको तथा खास गरी नेपाली महिला र बालबालिकाको स्वास्थ्य विकासमा सहयोग गर्न प्रतिबद्ध रहेको अमेरिकाले जनाएको थियो ।

हालै प्रजनन स्वास्थ्यसम्बन्धी आफ्ना कार्यक्रम बारेमा सञ्‍चारमाध्यममा गलत चित्रण भएको  र गलत सूचना प्रवाह भएको भन्दै नेपालका स्वास्थ्य तथा परिवार नियोजनसम्बन्धी कार्यक्रमलाई सहयोग गर्ने प्रतिबद्धता आज पनि उत्तिकै बलियो रहेको अमेरिकाले जनाएको थियो ।

‘स्पष्‍ट शब्दमा भन्नुपर्दा महिलाहरूको स्वास्थ्यमा सुधार ल्याउनका लागि नेपालसँग साझेदारी गर्ने हाम्रो प्रतिबद्धतामा परिवर्तन भएको छैन । आउँदा पुस्ताका नेपालीहरू अझै स्वस्थ रहून् भन्ने कुरा सुनिश्‍चित गर्नका लागि स्वास्थ्य क्षेत्रमा हामी आफ्नो लक्षित लगानीलाई निरन्तरता दिइरहनेछौँ ।’-  नेपालस्थित अमेरिकी मिसनको भनाई थियो ।

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
Contributing Editor : Bhupendra Thapa

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com