न्युयोर्क प्रहरीले गाँजाभन्दै समातेको १०६ पाउण्ड अर्कै बनस्पती

न्युयोर्क प्रहरीले गाँजाभन्दै समातेको १०६ पाउण्ड बस्तु अर्कै बनस्पती भएको पुष्टी भएको छ । न्युयोर्क प्रहरीले मंगलबार १०६ पाउण्ड गाँजा समातिएको भन्दै सामाजिक सञ्जालमा पोष्ट गरेको थियो ।

गाँजा भन्दै समातेको बस्तु कानुनी रुपमा नै हुर्काइएका भाङका बोटहरु भएको पुष्टी भएको छ । जसमा गाँजामा हुने नशालु पदार्थको मात्रा निकै कममात्र हुनेगर्छ । भाङमा टीएचसीकोमात्रा शुन्य दशमलव ३ प्रतिशतमात्र हुनेगर्छ भने गाँजामा २० प्रतिशतभन्दा धेरै हुनेगर्छ ।

उक्त भाङका बोटहरु भर्मोन्टका किसानले बैध रुपमा नै उमारेका थिए । फेडेक्समार्फत न्युयोर्कमा डेलिभरी गरिएकोमा प्रहरीले गाँजा ठानेर नियन्त्रणमा लिएको थियो ।


अमेरिकामा फार्म बिलमार्फत सन् २०१८ देखि भाङको खेती बैध मानिदै आएको छ । भर्मोेन्टको प्रहरी विभागले नै भाङ भएको पुष्टी गरेर फेडेक्समार्फत डेलीभरीका लागि अनुमति दिएको थियो ।

हालैमात्र अमेरिकाको ओक्लोहोमा प्रहरीले कोकिन बोकेको आरोपमा एकजना युवालाई पक्रा गर्दा उनले बोकेको सेतो पदार्थ पाउडर दुध भएको प्रयोगशाला परीक्षणबाट पुष्टी भएको थियो । १५ बर्षको जेल सजाय सुनाइएका उनले बोकेको सेतो धुलो पाउडर दुध भएको पुष्टी भएपछि उनीबिरुद्ध लगाइएका सबै अभियोगहरु खारेज भएका थिए ।

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com