मेलम्चीबाट काठमाडौं आउँदै गरेको बस दुर्घटना तीनको मृत्यु, ३५ घाइते
प्रकाशित मिति : कार्तिक १४, २०७६ बिहीबार
साँखुको जरसिंह पौवामा बस दुर्घटना हुँदा तीनजनाको मृत्यु भएको छ ।
मेलम्चीबाट काठमाडौं आउँदै गरेको बस जरसिंह पौवाको जंगलमा दुर्घटना भएको हो । बिहिबार दिउँसाे आमा ह्योल्मो यातायातकाे बा ५ ख ५०७० नम्बरकाे यात्रुबाहक बस दुर्घटना भएकाे हाे।
दुर्घटनामा ३५ यात्रु घाइते भएका छन् ।
दुर्घटनामा परेको बस विहान ९ः ३० बजे छुटेको थियो । मृत्यु हुनेमा २ महिला १ पुरुष छन । उनीहरुको परिचय खुलेको छैन । मृतकमध्ये २ जना गाडीले नै च्यापेकोले बाहिर निकाल्न कठीन भएको थियो ।
घाइतेको सुष्मा कोइराला मेमोरियल, नेपाल मेडिकल कलेज र टिचिङ अस्पतालमा उपचार हुदैछ ।
तिहार सकेर काठमाडौं आउने यात्रुले बस खचाखच थियो । बसमा ५९ बढी यात्रु रहेका थिए भन्ने अनुमान गरिएको छ । दुर्घटनाको कारण ब्रेक फेल हुन सक्ने अनुमान गरिएको छ ।
तस्विर : विष्णु क्षेत्रीको फेसबुकबाट