KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas

डिभी लोटरीबारे अमेरिकी दूतावास काठमाडौंले दिएका १० प्रश्नका जवाफ

डिभी लोटरीबारे अमेरिकी दूतावास काठमाडौले फेसबुकमार्फत प्रश्नकर्ताका जिज्ञासाहरु मेटाउने प्रयास गरेको छ । फेसबुकमा कन्सुलर अधिकृतले डिभी लोटरीबारे विभिन्न प्रश्नका जवाफ दिएकाथिए । अधिकांशले यसपटक डिभी लोटरी भर्दा पासपोर्ट अनिवार्य भए नभएको बारे सोधेका थिए । कन्सुलर अधिकृतले प्राथमिक आवेदकका लागि पासपोर्ट अनिवार्य भएको स्पष्ट पारेका थिए । हामीले त्यसको सारसंक्षेप प्रस्तुत गर्दैछौं ।

म अमेरिकाको भिजिटर भिसाका लागि आवेदन दिदैछु । के मैले डिभी भरेका कारण यसमा प्रभाव पर्छ ?

यदि तपाईले डिभीका लागि आवेदन दिदैमा भिजिटर भिसाका लागि स्वत अयोग्य भइदैन । तर डिभी आवेदनको अर्थ तपाई स्थायीरुपमा नै अमेरिकामा बसाई सर्न चाहनु हो । पर्यटक भिसाका लागि एउटा प्रावधान तपाईको नेपालमा बलियो सम्बन्ध हुनुपर्छ र भिसा सकिएपछि तपाई अमेरिकाबाट प्रस्थान गर्ने आशय हुनुपर्छ । पर्यटक भिसाका लागि आवेदन दिंदा तपाईको अमेरिकामा बसाई सर्ने चाहना अब किन छैन भन्नेबारे व्याख्या गनुपर्छ । डिभी लोटरी भरेकाहरुका कैयन आवेदनहरु पर्यटकभिसाका लागि सफलतापूर्वक योग्य भएका छन् ।

डिभी परेपछि अमेरिका जाँदा स्पोन्सरको जरुरत छ ? डिभी भरेपछि पर्ने मौका बढाउने कुनै उपाय छ कि ?

सबै आवेदनहरु कम्प्युटरबाट छानिन्छन् । डिभी पार्ने एउटामात्र तरिकाले सही ढंगले आवेदन दिनु हो । डिभी परेपछि अमेरिका जानका लागि स्पोन्सरको जरुरत हुँदैन । तर डिभी पर्दैमा अमेरिकाको भिसा पाउने ग्यारेन्टी हुँदैन । डिभीका लागि छानिएका सबैले सम्बन्धित अमेरिकी कानुन र डिभी कार्यक्रमका योग्यताका प्रावधानहरु पूरा गर्नुपर्छ । त्यसमध्येको एउटा कानुनी प्रावधान तपाई अमेरिका गइसकेपछि आफैले आफैलाई आर्थिक रुपमा सघाउन सक्नुपर्ने र अमेरिकी सरकारको आर्थिक सहायतामा भर नपर्ने कुरा तपाईले देखाउन सक्नुपर्छ । उपयुक्त आम्दानी भएको स्पोन्सर जसले तपाईलाई रोजगार प्राप्त नगर्दासम्म सघाउन सक्छ, त्यो उक्त प्रावधान पूरा गर्ने एउटा बाटो हुनसक्छ ।

के डिभी २०२१ मा सहभागी हुनका लागि पासपोर्ट अनिवार्य छ ?

Loading...

हो । सबै प्राथमिक आवेदकले पासपोर्ट नम्बर, जारी भएको देश र म्याद उल्लेख गर्नुपर्छ । पासपोर्ट म्याद नसकिएको हुनुपर्छ । यो प्रावधान प्राथमिक आवेदकको हकमा मात्र लागु हुनेछ, डिपेन्डेन्टको हकमा होइन । पासपोर्टको विवरण उल्लेख नगर्ने आवेदकहरु स्वत अयोग्य हुनेछन् ।

डिभीका लागि छनौट प्रकृया के हो ?

सही तरिकाले आवेदन दिएका आवेदकका आवेदनहरु कम्प्युटरमार्फत रयाण्डम तरिकाले छानिन्छन् । तर डिभी पर्दैमा भिसा पाउने ग्यारेन्टी हुँदैन । तपाईले न्युनतम शिक्षा र कामको योग्यता पूरा गरेको हुनुपर्छ । मेडिकल जाँच पास गर्नुका साथै तपाईले अमेरिका पुगेपछि आफैले आफैलाई सपोर्ट गर्नसक्ने कुरा देखाउन सक्नुपर्छ । त्यस्तै विभिन्न सुरक्षा र पृष्ठभूमि परिक्षण पनि उत्तिर्ण गर्नुपर्छ । यी प्रावधानका आधारमा तपाईको भिसा जारी गर्नु अगाडि तपाईलाई कन्सुलर अधिकृतले अन्तरवार्ता लिनेछन् ।

म नेपाली नागरिक थिएँ तर हाल युगाण्डामा बसिरहेको छु । त्यहाँको नागरिकता पनि लिइसकेको छु । के मैले युगाण्डाको पासपोर्ट प्रयोग गरेर डिभी भर्न सक्छु ?

तपाईले आफू जन्मेको देशको आधारमा डिभी लोटरी भर्न सक्नुहुन्छ । यदि तपाईको दम्पत्ति अर्को देशको हुनुहुन्छ भने उहाँले भने आफू जन्मेको देशको आधारमा डिभी भर्न सक्नुहुन्छ । तर उक्त देश डिभी कार्यक्रममा सहभागी हुनका लागि योग्य हुनुपर्छ ।

डिभी कार्यक्रममा सहभागी हुनका लागि शैक्षिक योग्यता के हो ? मैले एसएलसी गरेको छु र कामको अनुभव छ । के मैले डिभी भर्न सक्छु ?

डिभीका लागि योग्य हुनका लागि या त तपाईले प्लस टु गरेको हुनुपर्छ । या त अमेरिकी सरकारले तोकेको प्रावधान अनुशार कामको योग्यता भएको हुनुपर्छ ।

बुधबारदेखि डिभी लोटरी, पासपोर्ट अनिवार्य, यस्तो छ भर्ने सही तरिका

म नेपाली नागरिक हुँ । हाल युएईमा छु । के मैले त्यहाँबाट डिभी लोटरी भर्न सक्छु ?

सक्नुहुन्छ । तपाईले संसारको जुनसुकै स्थानबाट पनि डिभी लोटरी भर्न सक्नुहुन्छ । तर तपाईले डिभीमा सहभागी हुनका लागि तोकिएका योग्यता र मापदण्ड पूरा गर्नुपर्छ ।

म डिभी लोटरीमा छनौट भएँ भने तीनचार बर्षपछिमात्र अमेरिका जान सक्छु ?

यदि आवेदक सफलताका पूर्वक डिभीका लागि योग्य भएमा भिसाको अवधि सकिनुभन्दा अगाडि नै अमेरिका जानुपर्छ । जुन ६ महिना वा त्यो भन्दा कम अवधिको हुनेगर्छ ।

डिभी परेपछि अमेरिका जाँदा हामी जुनसुकै स्थानमा पनि बस्न सक्छौं ?

डिभी परेर भिसा पाइसकेपछि अमेरिका जाने व्यक्ति आफूले चाहेको अमेरिकाको जुनसुकै स्थानमा बसोबास गर्न सक्छ ।

डिभी कार्यक्रममा सहभागी हुनका लागि उमेरको हदबन्दी छ कि ?

डिभी कार्यक्रममा सहभागी हुनका लागि उमेरको हदबन्दी छैन । यद्यपी डिभीमा सहभागी हुन हाइस्कुल स्तरको शिक्षा हासिल गरेको वा सरकारको तोकेको कामको अनुभव भएको हुनुपर्छ ।

अक्टोबर २ देखि डिभी लोटरी, पासपोर्ट अनिवार्य, सरकारबाट औपचारिक सुचना जारी


भिडियो हेर्नुहोस्

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains.
DEVELOPED BY appharu.com
WP2Social Auto Publish Powered By : XYZScripts.com