डिभी कार्यक्रमबाट भिसा पाएमा अमेरिकी सरकारले घर वा जागिर खोज्न सहयोग गर्छ ?
प्रकाशित मिति : बैशाख २४, २०७६ मंगलबार
यदि म डिभी कार्यक्रमबाट भिसा पाउन सफल भएँ भने के अमेरिकी सरकारले मलाई अमेरिका जाने हवाई टिकट, घर वा जागिर खोज्न सहयोग, स्वास्थ्य सुविधा, वा अमेरिकामा पूर्ण व्यवस्थित नभइञ्जेलसम्मका लागि केही खर्चको व्यवस्था गर्नेछ ?
गर्ने छैन । तपाईँले डिभी कार्यक्रममार्फत भिसा प्राप्त गर्नुभयो भने अमेरिकी सरकारले तपाईँलाई माथि उल्लिखित कुनै पनि सेवाहरू उपलब्ध गराउँदैन । यदि तपाईँ डिभी कार्यक्रमद्वारा भिसाको आवेदनका लागि छानिनुभयो भने भिसा जारी गरिनुभन्दा पहिला तपाईँले आफू अमेरिकामा सार्वजनिक भार हुनुहुने छैन भनेर प्रदर्शन गर्नुपर्नेछ ।
यस्तो प्रमाण भनेको तपाईँको व्यक्तिगत सम्पत्ति, अमेरिकामा बस्ने तपाईँको कोही आफन्त वा साथीले भरिदिएको Affidavit of Support (Form I-134) वा अमेरिकास्थित कुनै रोजगारदाताले रोजगारीको प्रस्ताव आदि हुन सक्छन्।
नोट : डिभी लोटरीमा छानिएपछि पनि तपाईले अमेरिकामा बस्ने तपाईँको कोही आफन्त वा साथीले भरिदिएको Affidavit of Support (Form I-134) वा अमेरिकास्थित कुनै रोजगारदाताले दिएको रोजगारीको प्रस्ताव पेश गर्न सक्नुभएन भने तपाईको भिसा पब्लिक चार्जको आधारमा अस्वीकृत हुनसक्छ ।