अष्ट्रेलियामा नेपालीलाई कम तलब दिने भारतीय रेष्टुरेन्ट कारबाहीमा
प्रकाशित मिति : चैत्र १, २०७५ शुक्रबार
अष्ट्रेलियामा नेपाली लगायत विदेशी विद्यार्थीलाई कम तलब दिने भारतीय रेष्टुरेन्ट कारबाहीमा परेको छ । क्विन्सल्याण्ड स्थित गोल्ड कोस्टमा रहेको स्याफरोन इन्डियन रेष्टुरेण्ट कारबाहीमा परेको हो ।
रेष्टुरेन्टले नेपाल, भारत लगायत देशका १४ जना विद्यार्थी सहित २२ जनालाई कम तलब दिएको थियो । जसबापत उसले ५४ हजार ४ सय ७० डलर उनीहरुलाई दिनुपर्ने भएको छ ।
रेष्टुरेन्टले बिदामा काममा लगाएर अतिरिक्त पैसा नदिने, तलब समेत घण्टाको १५ देखि १८ डलरसम्म दिने गर्थ्यो । रेष्टुरेन्टले गत वर्षको जनवरी महिना देखि मे महिनासम्म कम तलबमा काम लगाएको थियो ।