तरकारी ढिलो पकाएको भन्दै श्रीमानले गरे श्रीमतीमाथि गोली प्रहार


प्रकाशित मिति : फाल्गुन १८, २०७५ शनिबार

बागलुङको बडिगाड गाउँपालिका–१० दर्लिङ्गमा आपनै श्रीमानले श्रीमतिलाई गोली प्रहार गर्दा घाइते भएकी छ ।

विहीबार घरायसी विवाद हुँदा साविकको दर्लिङ्ग–७ पात्ले कटरियाका ३५ वर्षीय चन्द्रबहादुर घर्तीले प्रहार गरेको भरुवा बन्दुकको छर्रा लाग्दा उनकी २५ वर्षीय श्रीमती बालकुमार घर्ती घाईते भएकी हुन् ।

कम्मरको भागमा छर्रा लागेर घाइते भएकी घर्तीलाई मोटर बाटोमा हिँउ जमेको कारण उद्धारमा समस्या भएको जिल्ला प्रहरी कार्यालय बागलुङका प्रहरी नायव उपरीक्षक (डिएपी) चिरञ्जिवी कोईरालाले जानकारी दिनु भयो ।

मादक पदार्थ सेवन गरी घरमा आएका चन्द्रबहादुरले तरकारी ढिलो पकाएको भन्दै उत्तेजनामा आएर बन्दुक प्रहार गरेको घाईते बालकुमारीले प्रहरीसँग बयान दिनु भएको छ । बन्दुक प्रहार गर्ने चन्द्रबहादुर भने फरार रहेका प्रहरीले बताएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com