एनआरएन अमेरिकाको सदस्यता फरबरी १५ सम्म, अहिलेसम्म १ हजार आवेदन
प्रकाशित मिति : माघ १५, २०७५ मंगलबार
एनआरएन अमेरिकाको सदस्यता लिने म्याद फरबरी १५ सम्ममात्र रहेको छ । फरबरी १५ को मध्यरात अगाडि सदस्यता लिनेहरुलेमात्र नयाँ नेतृत्व चयनका लागि हुने आगामी चुनावमा मताधिकार पाउनेछन् ।
डेडलाइन नजिकिदै गर्दा अहिलेसम्म एकहजार जनाले एनआरएन अमेरिकाको सदस्यताका लागि आवेदन दिएको महासचिव बीआर लामाले जानकारी दिए । उनले एनआरएनको सदस्यता समयमै लिन समेत अमेरिकामा रहेका नेपालीहरुलाई आब्हान गरेका छन् ।
एनआरएन अमेरिकाका पुराना आजिवन सदस्यहरु ५९१ जना रहेका छन् । एनआरएन अमेरिकाको सदस्य बन्नेहरुका विवरणहरु आफूहरुले सुरक्षित राख्ने र आइसीसीको केन्द्रीय प्रणालीमा नाम र इमेलमात्र पठाइने महासचिव लामाले जानकारी दिए ।
पहिले नै सदस्यता लिइसकेका तर म्याद सकिन लागेकाहरुले पनि यसपटक नयाँ आवेदन दिनुपर्ने भएको छ । प्राविधिक समस्याका कारण नविकरणको व्यवस्था गर्न नसकिएको महासचिव लामाको भनाई छ । अर्को पटकदेखि भने नविकरणको व्यवस्था मिलाइने उनले बताए ।