कथा : दोष कस्को ?
प्रकाशित मिति : माघ ६, २०७५ आईतबार
– पवित्रा दाश
मैले मेरो श्रीमतीलाई साथी जस्तै गर्दथे । हामी जहाँ जादा पनि सँगै जाने गर्दथ्यौ । उनी पनि मलाई धेरै माया गर्दथिन् । म पनि उनलाई धेरै माया गर्दथें । हामीसँग मायाको चिनोको रुपमा दुईवटा छोराहरु छन् ।
ठूलो छोरा २० बर्षका र सानो छोरा १५ बर्षका भए । हाम्रो परिवार सूखी र खूशी थियो । मेरो श्रीमती सरकारी कार्यालयमा उच्च पदमा काम गर्दथिन् र म पनि । आम्दामीको श्रोत पनि धेरै राम्रो थियो । सबैले भन्ने गर्नुहून्थ्यो जोडी होस् त यस्तो होस् । हामी सधै जोडी ढुकुर जस्तै भएर हिड्दथ्यौ । मलाई लाग्थ्यो हामी जस्तो बिस्वासीलो जोडी कसैको पनि छैन । संसारको सख, खुशी मलाई प्राप्त भएको छ जस्तो लाग्थ्यो ।
तर सबैले बूझ्नुपर्ने कुरो के छ भने आज सुखी मान्छे भोलि दुखको सागरमा डूब्न पनि सक्छ । आज दुखी मान्छे भोलि सुखै सुखको अनुभब पनि गर्न सक्छ । यो नै सत्य र जीवन लीला हो । यसलाई कसैले अगाडीनै देख्ने हो भने कसैले पनि दूःख पीडाको अनुभब गर्न पर्दैन। सबै बिबाहित युगल जोडीलाई भन्छु यस्तो दशा कसैको जीवनमा पनि आईनपरोस् । भगवानसँग यही प्राथना गर्दछु ।
म जे गर्दथे हरेक क्रियाकलापमा मेरी श्रीमतीलाई पनि सहभागी गराउँदथे । मेरो घरमा मौका पर्नासाथ जाँड खाने र तास खेल्ने कार्यक्रम हूने गर्दथ्यो । यसको लागी मेरो एकमात्र हितैषी साथीलाई घरमा निमन्त्रणा गर्दथें । मेरो साथी, म र मेरी श्रीमती सँगै जाँड पिउने र तास खेल्ने गर्दथ्यौ । यसै क्रममा मेरो साथी र मेरी श्रीमतीको सम्बन्ध गहिरो हुँदै जान थालेको मलाई पत्तै भएन ।
मेरो श्रीमती र साथी मिलेर मलाई मात्र बढि जाँड खुवाउने र म लठ्ठ परेर जाँडको नशामा ढले पछि उनीहरुको राश लिला शूरु हुने रहेछ । अब मेरो श्रीमतीले मलाई भन्दा धेरै माया मेरो साथीलाई दिन थालि सकेकी रहिछन् । केहि समय पछि साथी र श्रीमती दिनमानै घरमा भेट्न थालेको कुरो एकदिनको घटना बाट पत्ता लाग्यो । एकदिन अफिसमा काम गर्दा गर्दै मलाई एक्कासी रिंगटा चल्यो र ज्वरो पनि आयो ।
उभिन नसक्ने जस्तो भएकाले घरमा पूगेर आराम गर्छु भनि घरमा फर्केको त आफ्नै हितैषी साथी श्रीमतीको काखमा मज्जाले पल्टीएर गफमा ब्यस्त भएको आफ्नै आँखाले देखे पछि मन कहाँ मान्दो रहेछ । यो दृश्य पछि रिसको आबेगमा साथी माथी जाई लागें तर दुई जनाको अगाडी मेरो केहि लागेन । दूईजना मिलेर मलाई नराम्ररी कुटपिट गरे । म तीन महिना सम्म अस्पतालको शैयामा भर्ना हुनुपर्यो ।
यसै बीचमा मेरी श्रीमतीले सम्बन्ध बिच्छेदको मुद्धा हालिन् । सम्बन्ध बिच्छेदका कारण मैले उनलाई बलत्कार गरें रे । मेरो केही लागेन । उनलाई सम्झाएँ । छोराहरुको भविश्य बताएँ । उनले मानिन् । आज दूई छोराहरु पनि म बाट टाढा बसेर पढ्दै छन् । उनीहरुको आमा अर्कै सँग बिबाह गरी घरजम गरिन् । समाजले मलाई नै गाली गर्छ । श्रीमतीलाई धेरै स्वतन्त्रता दिएर आफ्नै साथीसँग बिबाह गरायो भन्ने आरोप मलाई छदैछ ।
साथी र श्रीमतीलाई धेरै बिस्वास गर्नाले आज म एक्लो भएको छु । मेरो खुशी, सुख र सुन्दर पबित्र घर आज म सँग छैन । समाजका अगाडी मेरो शीर झूकेको छ । हिजो सम्म नमस्कार गर्नेले आज तिरस्कार गर्न थालेका छन् । मलाई देख्यो भने टाढै बाट थुकिदिन्छन् । एक्लो भएको छु नितान्त एक्लो । धिक्कार छ मेरो जीन्दगी अनि मैले दिएको स्वतन्त्रतालाई । यसमा दोष कस्को ? मेरो, मेरो श्रीमतीको वा मेरो हितैषी साथीको ?