अब सांसदका स्वकीय सचिवको तलब बैंकबाटै
प्रकाशित मिति : पुस २४, २०७५ मंगलबार
संघीय संसद् सचिवालयले सांसद र सचिवालय पलाधिकारीहरुको तलब बैंक खातामै भुक्तानी दिने तयारी थालेको छ । सचिवालयले सांसदहरुलाई एसएमएस पठाउदै आफ्ना स्वकीय सचिव र उनीहरुको बैंक खाता सचिवालयमा जानकारी दिन सुचित गरेको छ ।
माघ महिनाको तलब स्वकीय सचिवको एभरेस्ट बैंकको खातामा उपलब्ध गराइनदिने तयारी सचिवालयले गरेको हो । त्यसका लागि स्वकीय सचिवको नियुक्तिको फारमसमेत सचिवालयले डिजाइन गरेर सांसदहरुलाई उपलब्ध गराएको संसद् सचिवालयका प्रवक्ता डा. रोजनाथ पाण्डेले बताए ।
फारममा सांसद आफैले स्वकीय सचिवको खाता विवरण भनेर हस्ताक्षरसहित बुझाउनुपर्छ, उनले भने, सांसद सुविधा शाखाका अनुसार सयभन्दा बढी सांसदले आफ्नो स्वकीयको विवरण सचिवालयमा बुझाइसक्नु भएको छ । केही सांसदका स्वकीय सचिवहरु भने खाता खोल्नै व्यस्त रहेका छन् । आजको राजधानी दैनिक समाचार छ ।