सरकारले गत वर्ष कटौती गरेको विभिन्न चाडपर्वमा फेरि बिदा दिने
प्रकाशित मिति : पुस १९, २०७५ बिहीबार
सरकारले गत वर्ष कटौती गरेको विभिन्न चाडपर्वमा फेरि बिदा दिने तयारी गरेको छ । बिदा पुनरावलोकन गर्न गठित कार्यदलले विभिन्न समुदायका गरी कुल १२ दिन सार्वजनिक बिदा थप गर्ने प्रस्ताव सरकारसक्षम पेस गरेको छ ।
सरकारले त्यसको लागि गृहमन्त्री रामबहादुर थापा बादलको संयोजकत्वमा ३ सदस्य कार्यदल बनाएको छ । कार्यदलले पेश गरका् सुझावको आधारमा बिदा तय गरिने सञ्चार तथा सूचना प्रविधि विकासमन्त्री गोकुल बास्कोटाले बिहिबार आयोजित पत्रकार सम्मेलनमा जानकारी गराउनु भयो ।
कार्यदलले किराँत चाड उभौली (बु्द्ध पूर्णिमा ) र उधौलीका लागि २, इद उल फित्र, बकर इद र मोहम्मद जयन्तीमा ३, क्रिसमसमा १, तमु ल्होसार, सोनाम ल्होसार र ग्याल्बो ल्होसारमा ३, छठ पर्वमा १, ऋषि पञ्चमी (महिलालाई मात्रै) १, मात्री पर्वमा १ र जनै पूर्णमामा १ दिन गरी १२ दिन थप गर्न प्रस्ताव गरेको छ।