Follow @khasokhasmag

प्रचण्ड र ओलीका पासपोर्टमा अर्कै नाम, अवतरणले खोल्यो रहस्य


प्रकाशित मिति : आश्विन २९, २०७५ सोमबार

नेकपा अध्यक्ष पुष्पकमल दाहाल प्रचण्डको वास्तविक नाम पुष्पकमल दाहाल हो । यही नामबाट उनले शिक्षा हासिल गरे । उनका शैक्षिक प्रमाणपत्रदेखि सुरुको नागरिकतामा समेत यही नाम छ । तर उनले पासपोर्ट भने फरक नाममा बनाएका छन् ।

उनको पासपोर्टमा नाम पुष्पकमल रहेको छ भने थर दाहाल प्रचण्ड रहेको छ । यसको रहस्य चर्चित पत्रकार शुभशंकर कँडेलबाट लिखित पुस्तक अवतरणबाट खुलेको हो । पुस्तकको लोकार्पण केही दिन अगाडि प्रधानमन्त्री केपी शर्मा ओलीका साथमा प्रचण्डले गरेका हुन् ।

त्यस्तै केपी शर्मा ओलीको वास्तविक नाम खड्कप्रसाद शर्मा ओली हो । उनका सुरुका नागरिकता लगायत कैयन कागजातमा पनि यो देख्न सकिन्छ । तर पासपोर्टमा भने उनको नाम के पी मात्र लेखिएको छ भने थरमा शर्मा ओली लेखिएको छ ।

प्रचण्ड र ओली दुबैको कुटनीतिक राहदानीको फोटो कपी पुस्तक अवतरणमा प्रकाशित गरिएको छ । पुस्तकमा यो बाहेक अन्य थुपै्र रहस्यहरुको उद्घाटन गरिएको देख्न सकिन्छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com