धुर्मुस–सुन्तलीले फिल्म बनाउने
प्रकाशित मिति : श्रावण १३, २०७५ आईतबार
हास्यकलाकार धुर्मुस–सुन्तली फिल्म निर्माणमा जुटेका छन्।
सामाजिक कार्यमा निकै सक्रिय रहेका सीताराम कट्टेल र कुञ्जना घिमिरे अर्थात धुर्मुस सुन्तलीको जोडीले चर्चित टेलिश्रृंखला भद्रगोल टिमका कलाकारसँग मिलेर फिल्म निर्माण गर्न लागेका हुन् ।
कमेडी जनरामा निर्माण हुने फिल्मको नाम केही दिन अघि चलचित्र विकास बोर्डमा दर्ता गरिसकिएको छ । हाल स्क्रिप्टकालागि धुर्मुस सुन्तलीसहित दिपक आचार्य, अर्जुन घिमिरे पाँडे, मनोज गजुरेल, कुमार कट्टेल ‘जिग्री’ लगायतका कलाकार पोखरा पुगेका छन् ।
तर फिल्ममा कलाकार को–को हुनेछन् र फिल्मको नाम के रहनेछ भन्ने विषयमा भने केही खुलासा गरेका छैनन् । केही समयपछि पत्रकार सम्मेलन गरेर फिल्मको टिम र नाम घोषणा गरिने बताइएको छ ।