Follow @khasokhasmag

अमेरिकी ग्रिनकार्ड, नागरिकता लगायतका विषयमा कानुनको परिधिमा रहेर पारालिगल सेवा दिन्छौं: मनमोहन सिंह घिमिरे


प्रकाशित मिति : असार ८, २०७५ शुक्रबार

न्युयोर्कको ज्याक्सनहाइटमा रहेको लुम्बिनी वल्र्डवाइड इन्कले न्युयोर्कसिटीबाट समेत अमेरिकी अध्यागमन सहायता सेवा प्रदायकको अनुमतिपत्र प्राप्त गरेको छ । न्युयोर्क सिटी प्रशासनिक कोड २० ७७६ अनुशार लुम्बिनी वल्र्डवाइड इन्कलाई यस्तो अनुमति प्रदान गरिएको हो । स्वतन्त्र पारालिगल तथा कन्सल्ट्यान्ट मनमोहन सिंह घिमिरेबाट संचालित लुम्बिनी वल्र्डवाइड इन्कले नागरिकता, ग्रिनकार्ड, एसाइलम लगायतका अध्यागमन फर्म भर्न सघाउने, पेशागत सपथपत्रहरु लेख्न सघाउने लगायतका पारालिगल सेवाहरु गर्दै आएको छ । यसबारे घिमिरेसँगको खसोखास सम्बाद ।

लुम्बिनी वल्डवाइड इन्कले के काम गर्छ ?

लुम्बिनी वल्डवाइड इंक विशेषगरी नेपालीलाई अध्यागमनबारेको सेवा दिने पारालिगल फर्म हो । यसले अमेरिकाको न्युयोर्कमा रहेर इमिग्रेसन सम्बन्धी काम गर्दछ । अमेरिकी कानुन अनुसार ग्रिनकार्ड, नागरिकता लगायत अध्यगमनका फारमहरु भर्न सघाउने, फारम भर्न आउनेहरुले ल्याएको डकुमेन्टलाई कानुनी रुपमा रुपान्तरण गरेर अध्यायगमन कार्यालयमा पठाउने लगायतका काममा हामी सघाउँछौं । हामीले कानुन सम्बन्धी विभिन्न विषयमा रिसर्जहरु गर्ने लगायतका काम पनि गर्छौं । आगामी दिनमा एजुकेशन कन्सल्टेन्सी संचालन गर्ने सोचमा छौँ । अमेरिकाका विभिन्न युनिभर्सिटीहरुसँग सहकार्य गरेर काम गर्ने योजना बनाएका छौँ ।

वकिल लगाउनु नपर्ने र कानुनी जटिलता नभएका केसमा तपाईहरुले कस्तो सेवा दिनुहुन्छ ?

हामीले कानुनी कामका लागि कसैलाई पनि वकिल नलगाउनुस् भन्नु मिल्दैन । जुनसुकै व्यक्तिले पनि कानुनी कामको लागि वकिल लगाउनु पाउने अधिकार हुन्छ । तर, अध्यागमनका कैयन आवेदनहरु सजिला हुने भएकाले आफैले पनि फाइल गर्न सकिन्छ । यदि तपाई सक्षम हुनुहुन्छ भने त्यो गर्न सक्नुहुन्छ । कानुनी रुपमा तपाईको केसमा कुनै पनि वाधा छैन भने प्यारालिगल वा इमिग्रेसन एसिस्टेन्सहरु प्रयोग गरेर अध्यागमनका फारमहरु तयार गरेर बुझाउन सक्नु हुन्छ । त्यसमा हामीले सघाउँछौं । तर तपाईले गलत सुचना नदिने लाइसेन्सप्राप्त प्यारालिगल वा इमिग्रेसन एसिस्टेन्स प्रोभाइडरहरु रोज्नुपर्छ । हामीले कानुनी सुझाव दिदैनौं तर व्यक्तिले दिएको निवेदनको आधारमा उनीहरुका भनाईहरु र अध्यागमनका फारमहरु कानुनी रुपमा तयार गर्न सघाउँछौं ।

अमेरिकामा नेपालीका कस्ताखालका अध्यागमन समस्या धेरै छन् ?

कानुनी सल्लाह माग्नेलाई मैले कानुनी व्यावसायी कहाँ जान सुझाव दिने गरेको छु । किनकी अमेरिकाको नीति नियम अनुसार मैले त्यो कुराको उत्तर दिनु मिल्दैन । ग्रिनकार्ड, टीपीएस, एसाइलम लगायतका विषयहरु अमेरिकामा रहेका नेपालीका हालका मुख्य अध्यागमन विषयहरु हुन् । कति व्यक्तिहरुले अमेरिकन नागरिकसँग विवाह गरेर ग्रिनकार्ड लिने गरेका छन् भने कतिपयले एसाइलम गरेर । एसाइलम स्वीकृत भएको एकबर्षपछि ग्रिनकार्ड फाइल गर्न सकिन्छ ।

वकिलबाट लिने र प्यारालिगलबाट लिने सेवामा के फरक छ ?

समान्यतया अध्यागमनका फारमहरु भर्दा कानुनी उल्झन छैन भने आफै पनि भर्न सकिन्छ वा पारालिगलको सहयोग लिन सकिन्छ । तर वकिल नलगाउनुस् भन्न हामीले मिल्दैन । कानुनका बारेमा धेरै तरिका र नियमहरु जान्नु छ भने वकिलकोमा जानु उपयुक्त हुन्छ । सामान्यतया फारम भर्नुपरेमा वा सामान्य कामका लागि ठूलो धनराशी खर्च गर्नुभन्दा प्यारालिगल अथवा लाइसेन्सप्राप्त अध्यागमन सेवा प्रदायकबाट कम रकममा सेवा लिन सकिन्छ । युएससीआईएको वेवसाइटबाट आफै हेरेर निशुल्क फारम भर्न पनि सकिन्छ ।

तपाई कहाँ कस्ता समस्या भएका व्यक्तिहरु आयो भने समाधान पाउँछन् ?

हामीले अमेरिकी कानुनको परिधिमा रहेर एक्स्ट्रा अर्डिनरी ग्रिनकार्ड, अध्यागमन फारम, टीपीएस लगायतका विषयमा सेवा प्रदान गर्दै आएका छौं । हामी नेपालीहरुको बाक्लो बस्ती भएको ज्याक्सनहाइटमा छौँ । आशा गरौँ, हामीले सबैलाई राम्रो सेवा प्रदान गरेका छौ जस्तो लाग्छ । हाम्रो संस्थाबाट सेवा लिने सबै नेपालीहरु खुशी नै हुनुहुन्छ ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com