टक अफ द टाउनमा अमेरिका र क्यानडाको जीवनबारे काफ्ले र ढुंगेल

खसोखास अमेरिका ब्यूरो

---

प्रकाशित मिति : आश्विन १९, २०७३ बुधबार

एबीसी टेलिभिजनबाट हरेक मंगलबार प्रशारण हुने कार्यक्रम टक अफ द टाउन युएसएमा यो साता अमेरिका निवासी सामाजिक अभियन्ता शेखर ढुंगेल र क्यानडा निवासी एएनएका उपाध्यक्ष मित्र काफ्लेसँग अमेरिका र क्यानडामा नेपालीको जीवनबारे कुराकानी प्रस्तुत गरिएको छ ।

विगत २५ बर्षदेखि अमेरिकामा बस्दै आएका ढुृंगेल नेपालमा सिभिक सेन्स र पर्यटन प्रवद्र्धनका अभियन्ता हुन् । उनका आधादर्जन बढी पुस्तकहरु प्रकाशित भइसकेका छन् । त्यस्तै विगत ८ बर्षदेखि क्यानडामा बस्दै आएका काफ्ले अमेरिका क्षेत्रको पूरानो संस्था एएनएका उपाध्यक्ष हुन् भने विभिन्न संघ संस्थामा आबद्ध छन् ।

अमेरिकामा निर्माण भई नेपालबाट प्रशारण हुने टेलिभिजन कार्यक्रम गतसातादेखि मंगलबार प्रशारण हुँदै आएको छ । अमेरिकन ब्रोडकास्टिङ कर्पोरेशन न्युयोर्कसँगको सहकार्यमा अमेरिकामा छायांकन र नेपालको एबीसी टेलिभिजनबाट प्रशारण हुँदै आएको यो कार्यक्रम मंगलबार बेलुका साढे ७ बजे प्रशारण हुन्छ । यसअघि कार्यक्रम टक अफ द टाउन सोमबार बेलुका प्रशारण हुँदै आएको थियो ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

सन् २००८ बाट नेपालको एबीसी टेलिभिजनमा प्रशारण हुँदै आएको यो कार्यक्रम सन् २०११ देखि टक अफ द टाउन युएसएको नामबाट अमेरिकाबाट प्रशारण हुन थालेको थियो । केहीसमय ह्वाइट हिमाल टेलिभिजनसँगको सहकार्यमा प्रशारित यो कार्यक्रम सन् २०१२ को अन्त्यपछि अबरुद्ध भएको थियो । त्यसपछि सन् २०१५ को अक्टोबरबाट कार्यक्रम नियमित प्रशारण भइरहेको छ ।

विशेषगरी अमेरिका र अमेरिकामा रहेका नेपालीहरुका सन्दर्भमा केन्द्रीत रहने यो कार्यक्रमका संचालक पत्रकार किशोर पन्थी हुन् । पत्रकार पन्थी यस खसोखास साप्ताहिकका प्रधानसम्पादक समेत हुन् । यो कार्यक्रमका अधिकांश भागहरु अमेरिकामा नै छायांकन हुँदै आएका छन् ।

काफ्ले र ढुंगेलसँग पत्रकार किशोर पन्थीले गरेको कुराकानीको भिडियो ।